شروحات التقديم - شرح كل ما يخص الكشف الطبي لجميع الكليات العسكرية


الكشف الطبي وما اهميتة
  1. الكشف الطبي يحدد اذا كان الطالب المتقدم لائق طبيا للحاية العسكرية ام لا
  2. الكشف الطبي يكشف لك عن اي مشاكل تتعلق بجسمك حتي في حالة عدم قبولك
  3. يجب اتمام الكشف الطبي دون الرسوب في اكثر من عيادتين
  4. يتم الكشف الطبي علي الطالب في جميع انواع التخصصات الطبية 
 تعليمات مهمة قبل الكشف
  1. لو كنت عامل عمليات قبل كدا افحصها قبل ما تروح الكشف الطبي
  2. اوعي تاخد اي ادوية او مواد مخدرة قبل ما تروح الكشف الطبي
  3. احلق شعر الابط والعانة وشعر الراس والذقن قبل ما تروح
  4. تروح لدكتور اسنان تعمل تلميع اسنان قبل ما تروح بيوم
  5. برضو تروح لدكتور انف واذن تعمل غسيل اذن قبل ما تروح بيوم
  6. الحضور في ميعاد الكشف الطبي من الساعه 6 صباحا لعدم التاخير 

ملحوظة : التحاليل او الكشوفات الخارجية لا تعتمد في الكشف الطبي
ملحوظة : -ترشح اللجنة الطبية من تطبق عليه شروط الترشيح للكشف في الكلية الجوية لأستكمال الكشف في المجلس الطبي الجوي.
 
الكشف الطبى للكليات العسكريه عدا (الجويه)
 بعد ما تنجح فى اختبار السمات بيكون الكشف اللى بعدة الطبى ولازم تروح فى الميعاد المحدد والا تعتبر من المتخلفين عن ميعاد الكشف وبتاخد ميعاد تانى خالص بعد شهر او يقل ولازم تكون رايح بشورت ابيض سبعة
وبيتم الكشف على يومين


1-كشف القوام؛
الكشف دة عن ظبط الطول مع الوزن وانت بتخش على اله موصلة بحاسب الى بتقيس الطول مع الوزن 

وطبعا الطول والوزن لازم يكون مثالي زي ايه
انا طولي 185 يبقي وزني في حدود 80 او 85 

وايضا بيتم قياس عرض الصدر بس دا مش شي مهم بعض الشي
 
 2-كشف الجلدية؛
بيتم عرضك على الدكتور وبيشوف اذا كان عندك اى جرح او مرض جلدى

 
 3-كشف الاسنان؛
الكشف دة مش عاوز تعريف هو بس بيشوف الاسنان مظبوتة ولا ولو مركب طربوش عادي فيه ناس عديت قبل كدا

 
 4-كشف العظام؛
دة بيشوف شكل الجسم وبعض الحالات مثل الفلات فوت التقوس الالتصاق الناتج عن التقوس
واحيانا بيطلب منك عمل عقلة وعلى فكرة الكشف دة بيطلع اكثر من 60%من الناس اللى طالعة طبى

 
 5-كشف الانف والاذن؛
لازم تكون رايح الكشف دة غاسل اذنك واحد يقولى اغسلها بالمية والصابون فى البيت لا
يا فالح الغسيل دة بيكون عند دكتور علشان بنظف الاذن من الشمع علشان الدكتور يقدر يشوف داخل الاذن


 

 6-كشف الرمد وعمى الالوان؛
نبدا بعمى الالوان بيعرض عليك كذا صورة وتقول الرقم اللى فيها ولو عاوز تختبر
نفسك الصور دى موجودة على الانترنت ودا موقع بيعملك اختبار (http://www.freeiqquizz.com/?id=552)
الرمد انت طبعا عارف اللوحة اللى عليها دوائر مفتوحة او حرف زي حرف E كدا 


ملحوظة : يسمح للطلبة الحاصلين علي مجموع 92% فما فوق علمي بالكشف بالنظارة لصالح الكلية الفنية العسكرية


7-كشف الجراحة؛
كشف الجراحة مش بيكشف عن العمليات الجراحية وكدا لا دا بيكشف عن البوسير او الاشخاص الشواذ )

8-كشف الباطنة؛
كشف الباطنة دا بيكشف عن الطحال والمعدة واشياء اخري في البطن مش عارفين ايه هيا لانه كشف غريب كدا المهم نادر ما حد بيسقط فية

9-كشف النفسية؛
بيطلب منك النطق ببعض العبارت علشان يشوف عندك حرف ولا لا زى(44 66) او امر امير الامراء بحفر بئر في الصحراء وهكذا

10-كشف المعمل؛
بياخد منك عينة دم وعينة بول وبحللها طبعا عشان الفيرس او اي مشاكل في الدم او صديد في البول وكمان اكتشاف اذا كنت بتشرب مواد مخدرة او لا

 
  
11-كشف الموجات الصوتية؛
الكشف دة على الكلى بالموجات فوق الصوتية اكيد اكتر الناس تعرف جهاز الموجات فوق الصوتية الي بيستخدم لتصوير الجنين الي هو دا


12-كشف الاشعة على الصدر؛
بيتم فية الكشف علي الرئتين والبحث عن وجود تليف وكدا  من خلال عمل اشعة للصدر كدا



13-كشف قاع العين؛
كشف قاع العين
وهو ضروري للاطمئنان على شبكية العين والجسم الزجاجي.
بيقوم الدكتور بوضع قطرة مخصصة لتكبير الشبكية لكي يري ما بداخلها طبعا القطرة دي صعبة شوية لانك مش بتعرف تشوف في النور كانك في غرفة مظلمة والكهرباء قاطعة لو النور جا فجاءة مش بتشوف الا بعد ثواني دا بالضبط الي بيحصل بس دا بيدوم شوية 




وبكدا نكون خلصنا الكشف الطبي ولو انت سقطت في عيادة واحدة بتكمل للنهاية وبعد ما تخلص يقولك انت سقطت اية لاكن لو سقطت في عيادتين مش بتكمل وبيخرجك ويقولك ملكش نصيب احيانا بتحصل ويعديك ويخليك تعمل التماس في العادتين لو محتاجين عدد كتيير اما لو سقطت في كشف واحد فمن حقك تعمل التماس في نفس اليوم وانت هناك متتاخرش عن كدا وبيجي مستشار يعيد الكشف عليك وغالبا بتنجح
طبعا لما تنجح من غير رسوب في اي عيادة دا افضل وكمان بعد ما تخلص بيقولك علي ميعاد الاختبار الرياضي وفين مكانة وان شاء الله هنشرحة هنا برضو 


ملحوظة الكشف الي بيختلف في الجوية عن الكشوفات دي هو كشف غرفة الضغطالكشف لمدة 5 دقائق لو خرجت واذنك مخرجتش دم يبقي كدا انت نجحت او رجعت وكدا

ملحوظة يتم إخطارك بنتيجة الكشف الطبي فور إعتمادها م رئيس اللجنة الطبية وعلــــى الطالـــب الإلتزام بعدم مغادرة القومسيون الطبى قبل معرفة نتيجة الإختبار الطبى وميعاد اختبار اللياقة البدنية فى حالة نجاحه.

223 تعليقات

  1. فى عيادة العظام ايه الصورة اللى فيها بيعدى و ايه لأ من الثلاث اشكال للرجل

    ردحذف
    الردود
    1. الشكل الاول من علي اليمين هو الصحيح اما الاثنين الاخرين فيهم مشكلة

      حذف
  2. فى عيادة العظام ايه الصورة اللى فيها بيعدى و ايه لأ من الثلاث اشكال للرجل

    ردحذف
    الردود
    1. الشكل الاول من علي اليمين هو الصحيح اما الاثنين الاخرين فيهم مشكلة

      حذف
  3. لو نجحت فالسمات ومكملتش عادي ولا في مشاكل

    ردحذف
    الردود
    1. يعني انت الي مش عاوز تكمل باقي الاختبارات وكدا عادي مفيش مشاكل كانك سقطت وخلص الموضوع

      حذف
  4. ما معنى الأسنان مظبوطة ولا. انا عندي ضرس مكسور وكمان السنة الامامية كبيرة شوية ومتقدمة على باقي الأسنان

    ردحذف
    الردود
    1. أزال أحد مشرفي المدونة هذا التعليق.

      حذف
    2. أنا عاوزه أقدم ضباط متخصصين ان شاء الله وتخصصى بيتطلب كل سنه ، بس مركبه تقويم أسنان ولسه فاضله كام شهر بس الاسنان مظبوطه ؟ فيه مشكله ولا لازم يتشال قبل الطبى لانه ثابت وصعب يتشال

      حذف
    3. تقويم الاسنان دليل علي ان اسنانك غير متناسقه لازم يتشال او هتسقطي مع العلم ان تقديم متخصصين بيكون في شهر 11 يعني فاضل اكثر من 3 شهور

      حذف
  5. ما طريقه معرفة دوالي الخصية

    ردحذف
  6. لو عندى ضرس مكسور جزء كبير منه باقى الاسنان سليمه فى تاثير على الكشف ممكن بسقطنى

    ردحذف
    الردود
    1. لازم تعملة تقويم عشان هياثر عليك التقويم عادي اما انك تتركه من غير طربوش وتقويم غلط

      حذف
  7. التماس عظام ممكن يعدي

    ردحذف
  8. ابنى قالوله النهارده غير لائق طبيا فى اختبار القوام كليه حربيه وحولوه على جويه يوم 27/9 فهل كان ينفع بعمل تظلم
    ولو ينفع فهو معملش فهل ينفع يروح بكره يعمل التظلم

    ردحذف
    الردود
    1. للاسف كشف القوام مفهوش تظلم معني انه اتحول جوية يبقي هو طولة اقل من 170 سم وربنا يوفقة ويعدي اختبارات الجوية

      حذف
    2. لو عملت عملية ناسور عصعصي

      حذف
    3. معني انه غير لائق في اختبار القوام وتحول جوية انه ممكن يتقبل ولا ده رفض بالذوق
      ابني طوله 181 ووزنه 188 تحول جوية وكتب غير لائق في القوام

      حذف
    4. معني انه غير لائق في اختبار القوام وتحول جوية انه ممكن يتقبل ولا ده رفض بالذوق
      ابني طوله 181 ووزنه 188 تحول جوية وكتب غير لائق في القوام

      حذف
  9. دخلت الكشف الطبي انهاردة وأول حاجة كان كشف القوام وكان طولي 168سم ووزني 68كجم بس للاسف كتبلى على بطاقة التردد غير لائق طبيا!! طيب ليه مش المفروض أنهم بياخذوا من طول 165سم وحتى ولو ليه ما حولنيش للجوية

    ردحذف
    الردود
    1. غير لائق قوام دي مفهاش التماس واقل طول 170 مش 165

      حذف
  10. ليه كشف القوام ملهوش التماس؟؟ على الرغم ان طولى 168سم ووزنى 68 كجم؟؟؟ ممكن الرد

    ردحذف
    الردود
    1. لو طولك اقل من 170 ومؤهل للجوية بتتحول جوية اما التظلم مفيش طبعا في القوام من غير سبب محدد

      حذف
  11. ليه كشف القوام ملهوش التماس؟؟ على الرغم ان طولى 168سم ووزنى 68 كجم؟؟؟ ممكن الرد

    ردحذف
    الردود
    1. لان دا الي بيحدد اذا كان جسمك ينفع للحاية العسكرية او لا واقل طول مسموح 170 سم

      حذف
  12. السلام عليكم

    ردحذف
  13. عملت عملية الناسور الشرجي هل هعدي بعد العملية

    ردحذف
  14. ابنى فى حرف الراء بينطقة غير كامل وعندة لسعة مكوى فى فخدة ممكن يعمل التماس.

    ردحذف
  15. الردود
    1. وعليكم السلام ورحمه الله وبركاته اتفضل :)

      حذف
  16. السلام عليكم 😘😍
    ابن عمي كان عامل عمليه خصيه معلقه وهو عنده 11 سنه وعاوز يقدم السنه الجايه كليه حربيه بس الخصيه المعلقه صفيره في الحجم دلوقتي عن التانيه هو ممكن يسقط كده في الجراحه ولا لا ولو سقط وعمل التماس ينفع يعدي ؟ ممكن الرد 😘😍

    ردحذف
    الردود
    1. هو ونصيبة يا غالي لان دا شي فعلا بياثر في كشف الجراحه

      حذف
  17. السلام عليكم 😘😍
    ابن عمي كان عامل عمليه خصيه معلقه وهو عنده 11 سنه وعاوز يقدم السنه الجايه كليه حربيه بس الخصيه المعلقه صفيره في الحجم دلوقتي عن التانيه هو ممكن يسقط كده في الجراحه ولا لا ولو سقط وعمل التماس ينفع يعدي ؟ ممكن الرد 😘😍

    ردحذف
    الردود
    1. تقريباا والله أعلم لا

      حذف
    2. من المحتمل انها تاثر علية في كشف الجراحه طبعا لان اي حاجه زي دي بتاثر اكيد وهو ونصيبة

      حذف
  18. اسماء و انواع تحاليل الدم اللي بتكون في العرض العام

    ردحذف
    الردود
    1. لا اسماء دي منعرفهاش ولا حد يمكن يعرفها لان دا شي خاص بيهم هناك فقط كل ما نملكة اننا نعرفك ان فيه تحليل دم لاكن نوعه او بيشمل ايه ملناش وصول لكدا

      حذف
  19. هي ايه انواع الجروح الي تخلييني راسب (طولهاا وعرضها وكده ) طب الي عنده دوالي الخصيه بيبقي راسب ليه ولو عملت عمليه الدوالي أنجح ولا لا ارجو من حضرتك الرد عشان مستقبلي متوقف علي رد حضرتك

    ردحذف
    الردود
    1. عملية الزايدة او جرح بسبب حادث او اي عمليات توثر علي الجسم والدوالي اكيد بتخرج لانها بتاثر علي اداء الفرد في التدريبات

      حذف
  20. لو سمحت هي عملية البواسير او الشرخ الشرجي ممكن تطلع ولا لا

    ردحذف
    الردود
    1. بالتاكيد لاكن كشف الجراحه عشان يشوف انك عامل العملية دي او لا

      حذف
  21. لو سمحتو انا كنت عامل حادثه وعملتلي شرخ في الترقوه من سنتين كدا بس دلوقتي خلا والحمد لله مفيش حاجه +غرزيتين ورا ودني من 8سنين يعمل حاجه دول

    ردحذف
    الردود
    1. كشف العظام بيكشف كل الكسور بالجسم بس غالبا بيعدي لو الكسر مش هياثر

      حذف
  22. لو سمحت انا اتكب عليا ميه سخنه وانا عندي 8سنين وسابت اثر خارجي وعملتله عمليه تجميل بس مش بتاثر عليا في التمرينات الرياضيه

    ردحذف
    الردود
    1. كشف الجلدية بيكتشف الحاجات دي وبياثر عليك اي حاجه ولو كانت بسيطة انت ونصيبك

      حذف
  23. لو سمحت انا عاوزة اقدم ضابط متخصص علوم كيميا وعاوزة اتدرب من دلوقتي ايه التمرينات وهل ممكن اتمرنها ف الجيم والطول المسموح للبنات ايه وايه اللي ممكن يطلعني في كشف الاسنان انا سنتي معووجة و النظر عملت نظارة ومش بحتاجها كتير عيني اليمين ناقص واحد و الشمال ناقص 2 مع العلم ان تقدير البكالوريوس جيد جدا و وحاصلة ع ماجيستير كيمياء فهل مسموحلي الكشف بالنظارة وبيتغاضو عن فرق النظر

    ردحذف
  24. لو سمحت قرار حملة الماجيستير والدكتوراه الخاص بكلية الشرطة شهر 10 بيتحدد فيه اقسام وكليات معينة ولا عموما

    ردحذف
  25. هل الوحمه الى على الجلد تؤدى الى الرسوب

    ردحذف
    الردود
    1. محتمل لكن مش اكيد لان الكشف بيكون للامراض الجلدية

      حذف
  26. أزال أحد مشرفي المدونة هذا التعليق.

    ردحذف
  27. هي عملية دوالي الخصية بتطلع جراحة ولا لا

    ردحذف
    الردود
    1. بالتاكيد كشف الجراحه للكشف عن مثل هذة الجراحات او البواسير

      حذف
  28. لو سمحت بالنسبه لكشف الجلديه انا عندى فى دراعى جرح بسبب مسمار بس دا من زمان لكن اثر الجرح لسه قاعد لحد دلوقتى بس هو مش كبير فهل دا هيأثر فى الكشف .ارجو الرد

    ردحذف
    الردود
    1. كشف الجلدية للكشف عن الامراض والحروق وما الي ذلك مش للجروح البسيطة

      حذف
  29. طيب يا فندم اصتفاف الأسنان شرط يعني لو في أسنان فوق بعض دا ممكن يكون سبب الخروج من الكشف ارجو الرد

    ردحذف
    الردود
    1. مش لازم عادي بس متكونش بتاثر علي الشكل العام

      حذف
  30. كام سنه تقديم الكليه الجويه

    ردحذف
  31. حساسيه الصدر ممكن تاثر ؟

    ردحذف
    الردود
    1. بالتاكيد بس مسمعناش انها خرجت حد قبل كدا

      حذف
  32. انا مركب تقويم حاليا وسنانى لسا مظبطتش , ينفع اروح اقدم بيه عادى ؟

    ردحذف
    الردود
    1. معرفش الموضوع دا لان مفيش حالة قابلتنا زيك قبل كدا لكن الي اعرفه ان عادي الاسنان اهم شي تكون متناسقه ومش بتاثر علي الشكل العام

      حذف
  33. هل عملية الزايدة تاثر عليا ف كشوفات الطب الحربي ..مع العلم الجرح التابع للعملية بسيط ..ولا توثر عليا عند اجراء التمرينات الرياضية...الرجاء الافادة

    ردحذف
  34. لو سمحت انا هقدم ان شاء الله طب عسكري بس عامل عملية الزايدة من سنتين تقريباوالجرح التابع للعملية بسيط لا يتعدي 2سم .وبلعب كورة وامارس التمرينات ولا توثر عليا ارجوو الافادة من حضراتكم هل هذا سوف يوثر عليا عند اجراء الكشوفات الطبية..الرجاء الافادة..شكرا

    ردحذف
    الردود
    1. ايوة اكيد ممكن تاثر عليك انت ونصيبك بالتوفيق

      حذف
  35. أنا عاوزه أقدم ضباط متخصصين ان شاء الله وتخصصى بيتطلب كل سنه ، بس مركبه تقويم أسنان ولسه فاضله كام شهر بس الاسنان مظبوطه ؟ فيه مشكله ولا لازم يتشال قبل الطبى لانه ثابت وصعب يتشال

    ردحذف
  36. انا عندي حرف الراء اقدم ولا لا



    ردحذف
    الردود
    1. فيه اختبار نفسي يا غالي ودا طبعا لكدا انت ونصيبك بالتوفيق

      حذف
  37. طيب انا وزني 57 وطولي 185 ومافيش وقت ومش معايا بطولات

    ردحذف
    الردود
    1. هتخرج قوام اول كشف طبي وانت ونصيبك برضو بالتوفيق

      حذف
  38. حضرتك لو في نسبة صغيرة من الشعر الأبيض فى فروة الرأس ممكن تأثر

    ردحذف
    الردود
    1. هتاثر في ايه دي مفيش كشف شعر للاسف او اصبغه :)

      حذف
  39. هل النظاره ترسب فى كشف النظر

    ردحذف
    الردود
    1. طبعا مش مسموح الكشف بيها الا في المتخصصين او الكلية الفنية فقط

      حذف
  40. انا صباع رجلي الصغير طالع علي اللي جمبيه ده هياثر ولو هياثر ممكن يتعملو عملية..ارجو الرد

    ردحذف
    الردود
    1. انا هنظر لسؤالك بجدية وارد ب مش بياثر بشي لكن لو سؤالك للهزار فانت صراحتا شخص تافه

      حذف
    2. لا والله اقسم بالله مابهزر ولو عايزني ابعت الصورة لييه ابتعتلك اصل انا كلمت لواء قالي يأثر وممكن ابعتلك الصورة

      حذف
    3. هههههههه بياثر في ايه بس ممكن في كشف العظام لكن مظنش في اي تاثير الا لو عاوزين يخرجوك

      حذف
  41. لو سمحت انا ابنى كان عنده شفه ارنبية أول لما اتولد ينفع يقدم ولا لا خاصة انها سايبه اثر على بسيط فى شكله

    ردحذف
  42. بعد أذنك اختى عندها ضرس محشى وواحد مخلوع وفرق بسيط فى السنتين اللى قدام وعاوزة تقدم متخصصين شرطةينفع ولا لا؟

    ردحذف
    الردود
    1. لو بياثر علي المظهر العام اكيد هتخرج غير كدا بيعديها عادي وهي ونصيبها

      حذف
  43. بعداذنك انا كان ذراعي مكسور وجبسته شهر ونص ومفيش اي تاثير عليه هل الكسر هيخليني اسقط بردو

    ردحذف
    الردود
    1. طبعا الكسر بيظهر في الاشعه مين قالك انه مش بيظهر بس عادي لو مش بياثر علي ادائك ممكن تعدي فيه ناس عدت قبل كدا

      حذف
  44. هى المكملات الغذائيه بتاعت كمال الاجسام (البودره والحبوب وكده ) مش حقن يعنى وهرمونات ..ليهااا سلبيات ف الكشوفات الطبيه للكليا
    ت العسكريه

    ردحذف
    الردود
    1. طبعا من نصائح الكشف الطبي انك متتناولش اي عقار طبي نهائيا قبل الكشف

      حذف
  45. هى المكملات الغذائيه بتاعت كمال الاجسام (البودره والحبوب وكده ) مش حقن يعنى وهرمونات ..ليهااا سلبيات ف الكشوفات الطبيه للكليا
    ت العسكريه

    ردحذف
  46. طب لو سمحت لو في رجلة جرح وهو صغير واتخيط ٥ غرز

    ردحذف
    الردود
    1. هو لسه ظاهر لحد الان لو امكن يتعملة تجميل عشان يختفي لانة بيظهر في الجلدية وياثر عليه

      حذف
  47. هل عملية الليزك ترسب في كشف النظر

    ردحذف
  48. لو اذن سليمه والتانيه فيها ضعف انجح فالضغط الجوي بالنسبه للجويه

    ردحذف
    الردود
    1. الضعف دا بيسبب نزف بالاذن ودا طبعا دليل بيؤدي للسقوط

      حذف
  49. لو صباع رجلي الصغير راكب علي صباع رجلي الي قبله هينفع اخش ولا

    ردحذف
    الردود
    1. يا راجل ههههههههه طيب شوف حاجة مهمه جاي علي دي يعني

      حذف
  50. لو سمحت يافندم انا عندي ٢٢ سنة و ٨ شهور
    هل ينفع أقدم جوية ولا كده سني عدا ومش هينفع انا مواليد ١٣/١٢/١٩٩٤

    ردحذف
    الردود
    1. 22 سنه اقصي شي اعتقد كدا انت عديت بس ممكن يكون ليك فرصة لو نظرك كويس

      حذف
  51. هل عمليات الليزك تنفع مع الضباط المتخصصين

    ردحذف
  52. انا عندي جرح في وشي بس شبه مش باين هل يطلعني ولا لا انا عملتله عمليه تجميل بااليزر

    ردحذف
  53. بالنسبة للأسنان عندي تقوس بسيط للداخل ف الفك السفلي يأثر ف حاجة عند الكشف

    ردحذف
    الردود
    1. لا مفيش مشاكل المهم الشكل العام

      حذف
  54. لو سمحت انا عندى فلات فوت خفيف بس مش بياثر عليا ف حياتي العمليه
    وعندى سنه قدام جايه بزاويه بسيطه
    انا الطول١٦٨ والوزن٧٠
    ايه نسبة النجاح في الجويه

    ردحذف
  55. هو التدخين بيطلع ولا لا

    ردحذف
    الردود
    1. اكيد بياثر وكمان بياثر جدا في الاختبار الطبي

      حذف
  56. لو سمحت انا لو عندى ضرس محشي وضرس دائم مخلوع بس الإتنين ورا ومش ظاهرين ومش بيأثروا فى الشكل خالص فيها مشاكل فى تقديم طب عسكرى؟ وايه الطول المسموح بيه للبنات فى الكلية دى ؟!

    ردحذف
  57. لو سمحت انا عندى سنه اماميه مكسوره ومركب مكانها سنه متحركه وممكن اشيلها واحطها...ده ممكن يأثر عليا فى كشف الاسنان

    ردحذف
    الردود
    1. المظهر العام اهم شي لو بتاثر عليه ممكن تخرجك وانت ونصيبك

      حذف
  58. هى صوابع الرجل فيها مشكلة يعنى لو صوباعى التانى اكبر من الاولانى فيها مشكلة؟؟؟

    ردحذف
  59. انا عاوز حل للالتصاق لو سمحتم



    ردحذف
  60. هل خريجي المدارس العسكريه التابعه لجهاز الرياضه للقوات المسلحه و الحاصلين علي بطولات محليه و دوليه اولويه عن باقي الطلاب ؟

    ردحذف
    الردود
    1. لا بالتفوق الرياضي والعلمي والجسم السليم

      حذف
  61. انا عندي سنه واحده معوجه عن الصف الي فوق هي سليمه وكل حاجه بس مش بمساويه الصف تاثر دي ولا لا

    ردحذف
  62. لو سمحت لو في تصحيح بسيط في الصفحه الاولى ده ليه تأثير انه ميستلموش منه الملف

    ردحذف
  63. لوسمحت بالنسبة لجويه ايه الاختلاف بينها وبين باقى الكليات فالطبى

    ردحذف
    الردود
    1. غرفة الضغط وبيكون فيه صعوبة في الاختبار الطبي يعني مفيش تسهيل خالص

      حذف
  64. عندى ضرس مخلوع فى الجنب.. فيه مشكلة ولا

    ردحذف
    الردود
    1. المظهر العام لو بياثر عليه ممكن تخرج

      حذف
  65. حضرتك انا مش فاهم موضوع الاسنان دا. يعني انا مثلا مش مركب سن ولا حاشي ولا كدا بس في مفارق بين السنان اعتقد مياثرش ؟
    ولو بدات سحب الملف من دلوقتي الحق اكمله ولا لا
    وايه راي حضرتك استنى اخلص هندسه واقدم تخصص ولا ااقدم حربيه وممكن تجيلي فرصة الجويه

    ردحذف
  66. انا طولي ١٨١ ووزني ٨٨ بس انا نسبة الدهون عمدي قليلة ورحت لدكتور قالي العضم هو الي تقيل لاني عريض وجسمي مش راضي ينزل اكتر من كده هل ده يطلعني

    ردحذف
  67. أزال المؤلف هذا التعليق.

    ردحذف
  68. انا طولي 180 والوزن 85 الوزن مظبوط ولا لازم 90 وعندي فلات فود دهون

    ردحذف
    الردود
    1. لا انت كدا متناسق اما الفلات بيخرج عظام

      حذف
  69. لو سمحت ايه الورق اللى المفروض الواحد ياخده وهو رايح الكشف الطبى

    ردحذف
  70. لو سمحت أنا طولي 168ووزني 68 و مقدم للكليه الفنيه هل يجوز

    ردحذف
    الردود
    1. حد ادني للطول 170 بيخرج سمات ولو مخرجتش سمات بتخرج طبي قوام

      حذف
  71. انا طولي 170 ووزني 55 ينفع اعمل التماس في الوزن ؟

    ردحذف
  72. انا طولي 179ووازني 95بس كنت بلعب كمال اجسام وطبيعي يبقي وزني زايد عن طولي بس مش معايا بطولات هينفع ولا ايه ارجو الرد.

    ردحذف
    الردود
    1. انت وزنك مش متناسق مع طولك ودا بياثر في القوام انت ونصيبك

      حذف
  73. طب انا عندي خدش بسيط في ضهري عشان كنت واقع على حديدة و باين هو طوله 1.5 سم او اقل هل ممكن يخرج طبي و ايه ترتيب الاختبارات سمات و طبي و ايه تاني

    ردحذف
    الردود
    1. لو بياثر علي ادائك او المظهر هياثر في كشف الجلدية + الترتيب سمات وطبي ورياضي وهيئة وطبي متقدم ورياضي متقدم

      حذف
  74. ممكن اعمل التماس قوام فى الكلية الجويه ؟؟

    ردحذف
  75. لو سمحت لو عايز اقدم طب عسكري بس عندي دوالي الخصية هيأثر جامد ولا لا؟

    ردحذف
  76. عملية الزايدة الدوديه بتعدي ف الكشف ولا بتترفض ؟!
    وازاي لو بتترفض بتثر ع اداء الفرد ؟!ممكن الرد بسرعه لاني رايح اسحب الملف بكرة

    ردحذف
    الردود
    1. اي عمليات جرحاية لابد انك تقولها للدكتور لو شاف انها مش هتاثر عليك ممكن يعديك اما غير كدا هيسقطك

      حذف
  77. لو سمحت انا طولى 182 ووزنى 66 عادى ولا لازم ازداد

    ردحذف
  78. لو سمحت كنت عايز اسأل..
    لو انا عامل عملية ليزك في عيني هايبقا في مشكله ولا لأ ؟

    ردحذف
    الردود
    1. اكيد بتخرج علي طول لان اي عملية تصحيح نظر بتظهر في كشف قاع العين

      حذف
  79. لو عاوز مقدم طب عسكري وعندي دوالي من الدرجه الاولى هل كده هسقط ف الجراحة... ارجو الافادة وشكرا

    ردحذف
  80. لو سمحت كشفت اليوم جوية وبعد كشف العظام قالو لي روح واخذو مني كارت التردد
    ولا اعرف ماذا افعل

    ردحذف
  81. لو سمحت رايح كشف فى المعهد الصحى للقوات المسلحه وعامل دوالى الخصيه من اسبوع والسلك هفكه بعد الكشف بيوم هل الدكتور لما يشوف الجرح هيسقطنى

    ردحذف
  82. لو سمحت هو حب الشباب يطلعني في الجلدية؟؟

    ردحذف
    الردود
    1. للاسف ايوة وفيه حالات طلعت كتيير بسببة السنادي

      حذف
  83. لو سمحت هى الخرابيش او التعاوير الخفيفة تاثر ف كشف الجلدية

    ردحذف
  84. انا ابني كان عنده كشف طبي بالكليه الحربيه أمس وبعد الانتهاء من كشوفات اول يوم تم إبلاغه فى النهايه انه تم تحويله للمجلس الطبى بالكليه الحربيه دون ذكر السبب مع العلم طوله 179ووزنه80كجم

    ردحذف
    الردود
    1. اها لو نظرة كويس بيحول جوية ولو سقط بيرجع حربية تاني

      حذف
  85. تعديل تم تحويله إلى المجلس الطبي بالكليه الجويه

    ردحذف
  86. هل يؤثر الناصور العصعصي البسيط في الكشف الطبي

    ردحذف
  87. لو سمحت وانا صغير كنت مخيط ٤ غرز ف وشي بس حالا مش باينه .اكيد هتأثر عليا صح ؟

    ردحذف
    الردود
    1. لو بتاثر علي المظهر العام يبقي فيه احتمال تخرجك غير كدا عادي

      حذف
  88. لو سمحت هو لو التءديم للكلية الفنية بيعدى كشف النظر ولا لازم يكشف عليا

    ردحذف
    الردود
    1. اها بيعدية ومسوح بالنظارة للمجاميع العالية

      حذف
  89. دب بعد اذنك لو واحد شارب كوحول قبل الكشف بخمسة اسابيع هل بيظهر في التحاليل
    ارجو الرد

    ردحذف
  90. لو سمحت لو حرف الراء عندي الدغ فيه بس نسبه نطقي للحرف مش معدومه ؟ هل تطلعني ولا تعدي ؟ طب لو طلعتني ممكن اعمل التماس ويتقبل؟

    ردحذف
    الردود
    1. للاسف بتطلع والالتماس بيكون علي حسب راي المستشار شايف انك تنفع او لا

      حذف
  91. وحمات الوجه والجسم بتسقط

    ردحذف
  92. هل يوجد التماس على كشف الموجات الصوتيه بعد نجاح جميع الكشوفات الطبيه

    ردحذف
  93. لو سمحت لو عملت عملية الزايدة هل ممكن تسقطني في الاختبار الطبي مع العلم إنها مبتأثرش عليا في الرياضة أرجو الرد ... وشكرا ًً...

    ردحذف
    الردود
    1. متكررش السؤال رجاء وجاوبتك قبل كدا ايوة بتاثر في الكشف الطبي

      حذف
  94. لو سمحت فحص قاع عين جوية ممكن فيه التماس

    ردحذف
  95. بعد ازنك ارجو الرد انا روحت الكشف الطبي ف الحربيه عديت العيادات كلها إلا الجلديه بسأل لي بيقلي علشان ايدك بتعرق وانا ايدي مبتعرقش الا بسيط خالص هل دي ليها علاج او الحقن البوتوكس الي بتمنع العرق لان رايح كشف طبي ف الشرطه بعد اسبوع ارجو الرد

    ردحذف
  96. السلام عليكم كل عام وانتم بخير
    ابنى تم ترشيحه الى الكلية الحربية وبعد الاختبار الطبى تم تحويله الى المجلس الطبى الجوى مع انه نجح فى جميع العيادات والمستشار جعله يعمل بعض الاختبارات الرياضية كمان المهم مضاه على اقرار التحويل على طبى جويه فهل سيستكمل الكشوفات ام يكشف جميع الكشوفات تان ولك التحية

    ردحذف
    الردود
    1. حضرتك الي بيحول جوية بيكون اما مش لائق قوام للحربية او مجموعه مجبش حربية او نظرة حاد جدا فبيحول للكشف لصالح الجوية وان كان مجموعه جايب حربية وخرج جوية بيرج للحربية تاني

      حذف
    2. شكرا لحضرتك الاهتمام هو غلبا اللى حصل المشكله فى الوزن لكن وجدوا نظره الحمد 6\6 وطلب منه المستشار بعض التمرينات وشاف كشف قاع العين فقال له يابنى مبروك عليك جوية وروح القومسين الجوى يوم 7\9 بعد العيد وهو جاب 74 فى المائة المشكلة طوله 172 ووزنه 50 ك فقط بم تنصحنا حتى ذلك الموعد ولك التيه

      حذف
    3. كل الموضوع يبعد عن اي شي يجهد العين لان كشف النظر لو في الحربية 6/6 في الجوية بيكون اصعب لازم يكون 6/6 حاد كمان وفيه كمان كشف غرفة الضغط ودا صعب شوية ولازم ميجهدش نفسه قبلها عشان يتحمل الضغط وكدا

      حذف