الكلية الحربية - مقال متجدد بكل الاسئلة التي تطرح بكثرة واجاباتها







1-موعد تسليم ملف الحربية

ج1 - بيكون مطبوع علي غلاف الملف ممكن تسلم بعد التاريخ دا عادي

2-اروح الساعه كام اسلم الملف

ج2 - بوابة تسليم الملفات بتفتح الساعه 6 الصبح بوابة رقم 9

3-اخد معايا ايه وانا اريح اسلم الملف

ج3 - تاخد ملف المرحلة الاولي وكرت التردد والبطاقه وخلي معاك بيانات بزيادة

4-عندي مشكلة في القيد ومش هعرف اطلعة

ج4 - بتروح العباسية تعمل تعذر وتقدمة مكان القيد


5-عندي اخطاء في القيد وهصلحة بس معاد التقديم هيقفل

ج5 - تروح تقدم الملف وبتعمل اقرار انك تجيب القيد لما يخلص

6-عندي دور تاني ومش هعرف اجيب شهادة المؤهل او حسن السير والسلوك

ج6 - تروح تقدم وتعمل اقرار انك تجبهم لما تنجح

7-اخر معاد لتسليم الملفات واخر يوم للسحب

 
غير متاح حاليا

8-والدي علي المعاش اعمل ايه في ورقة الوظيفة

ج8 - بتجيب سركي معاش وتملا الورقه من مصلحة التامينات

9-والدي مسافر اصورة هو والدتي ازاي

ج9 - عادي تخلية يبعتلك صورة وتصور والدتك وتدبسهم جنب بعض

10-ازاي اعتمد شهادات المؤهل

ج10 - تروح المدرسة الي انت متخرج منها وتخلية يعتمد الشهادة بختم الشعار

11-والدي ملوش شهادة مؤهل اجبها منين

ج11 - تروح الادارة التعليمية وتجيب منها بيان نجاح معتمد

12-تلفوني ضاع وانا مسجلة في الملف

ج12 -  تروح الكلية وتقولهم كدا عشان يبدلوا الرقم

13-نتيجة السمات مظهرتش ليه

ج13 -  نتيجة السمات بتظهر في اليوم المحدد ليك او بعدها بيوم

14-اختبار السمات شكلة اية

ج14 - اختبار السمات 25 سؤال حسب عام 2017 مقسم علي جزء معلومات عامة وجزء رياضي وجزء ذكاء

15-انا رايح طبي اخد معايا اية

ج15 - كرت التردد والبطاقة وسلب ابيض سبعة وتكون صبور ومتعاون

16-انا سقطت في عيادة في الطبي اعمل التماس ازاي

ج16 - وانت هناك بتسال ازاي اعمل التماس وهما هيدلوك

17- ملف المرحلة التانية اكتبة امتي

ج17- بعد الطبي

18- والدي بيشتغل في شركة خاصة اجيب ختم نسر منين

ج18- عادي من مصلحة حكومية او مدرسة

19- تقديم متخصصين حربية امتي

ج19- في الغالب كل سنه في شهر 11 وبنعلن عنه علي الصفحة والموقع هنا

20- هلبس ايه في اختبار الهيئة

ج20- بنطلون اسمر قماش وجزمة سوداء جلد بدون رسومات و قميص ابيض نص كوم سادة


تحت التجديد دائما بالتوفيق

30 تعليقات

  1. أعمل ايه لو ضيعت رقم القيد؟

    ردحذف
    الردود
    1. تقصد كرت التردد لان رقم القيد دا بيكون علي كرت التردد لو ضيعت كرت التردد قبل ما تقدم الملف عادي تروح الكلية تجيب واحد غيرة اما لو ضيعته بعد ما قدمت فدي مشكلة مش عارفين حلها للاسف روح الاستعلامات في الكلية واسال

      حذف
  2. لو حد طلع غير لائق فى السمات بيبقى فيه التماس ولا مينفعش

    ردحذف
  3. السلام عليكم ، انا لسه مخلص اوراقي انهارده
    ينفع اروح اقدم يوم السبت ولا السنة ضاعت عليا كدا؟؟

    ردحذف
    الردود
    1. تم مد مدة التقديم ليوم السبت بالتوفيق

      حذف
    2. هي ديه ااكليه الحرببه اللي بعد كلية التمريض بتكون تدريب 6شهور؟؟؟،

      حذف
  4. طب لوسمحت هو لو عندى ضرس مسوس هيعملى مشكلة طبي حربية

    ردحذف
    الردود
    1. اكيد بياثر لازم تعملة حشو وتضبطة الاول

      حذف
  5. امتى سحب ملف الضباط المتخصصين

    ردحذف
    الردود
    1. بيتم الاعلان عنة في الموقع او في الجروب او في الصفحة تابعنا

      حذف
  6. لو واحد عامل عملية جراحية فى كتفه ومش بتوجعه بس عمله علامه ده فى ضرر انه ما يقبلش

    ردحذف
    الردود
    1. اكيد بتاثر في كشف الجلدية والعمليات الجراحية بتاثر طبعا

      حذف
  7. في مشكله في مؤهل الوالدين

    الاول : مؤهل والدي معايا صوره من الشهاده الاصليه مختومه .... تنفع ولا لازم يكون الختم حديث ومكتوب على الورقه صوره طبف الاصل ؟

    ثانيا : مؤهل والدتي معايا منه اصل الشهاده المؤقته ..... تنفع ولا لازم الشهاده العاديه

    ردحذف
    الردود
    1. الوالد لازم يكون حديث طبعا
      الوالده لازم يكون الشهادة الاصلية وصورة منها طبق الاصل

      حذف
  8. انا خريج كليه تمريض ولسه ف الامتياز وهخلصوا ف شهر ١١ هل ينفع ااقدم ظباط متخصصين شرطه ولا متعبش نفسي استني السنه الجيا لحد مخلص ولوينفع اجيب ايه من الكليه يثبت اني ف الامتياز واخد ايه معايا وانا رايح اسحب الملف ارجو الرد وشكرا.

    ردحذف
  9. عملية الليزك تؤثر على الكشف الطبي

    ردحذف
  10. 1/انا عمتي مطلقة اكتب اسم جوزه ولا لا
    2/معاي عمتي التانية مطلقة بس اجوزة واحد تاني اكتب اسم جوزها الاول ول التاني
    3/المتوفي اكتب مكان السنه ايه ول متوفي صغير اعمل ايه في الخانات بتعته

    ردحذف
  11. طيب انا عندى خطا في اسم امى ومش عارف اطلع قيد عائلي لابويا ومش عارف اعمل اى

    ردحذف
  12. لو سمحت هو انا لازم اجيب ختم النسر من الشغل ألى ابويا شغال فيه مع العلم ان ابويا محامى ومش شغال بالمهنة والبطاقة بتعته مكتوب فيها محامى

    ردحذف
  13. لو انا عندى ضرس معوج اخلعه عادى ولا اعمل تقويم علاشان الاختبار الطبى و شكرااا

    ردحذف
  14. لو عندى دوالى الخصيه ممكن انجح طبى ولا ايه
    و لو عملت العمليه انجح بردو ولا لا
    و شكراا
    و اتمنى الدعوه بالشفاء

    ردحذف
  15. لو سمحت هو انا لو عندي فلات فوت بس بنسبه قليله و وحمه في ظهري هل دا بيأثر عليا

    ردحذف
  16. طب في الصفحه بتاعت وظيفه الوالدولو الوالد شغال في شركه خاصه اختم بالختم بتاعها في صفحه الوظيفه ولا ايه بالظبط

    ردحذف
  17. كتابة الملف المرحلة الاولي كامل باللون الاسود هل يقبل
    وهل الملف الثاني يكتب أيضا باللون الاسود

    ردحذف
  18. لو والدي مسافر اي الورق ال مطلوب مني اعمله ؟؟

    ردحذف
  19. يوجد ورقه ناقصه عندى فى الملف

    ردحذف
  20. هو ملف العلمى مختلف عن الادبي

    ردحذف
  21. اخطات في كتابة محل الميلاد ينفع اشطب بالكليكتور واكتب تاني الصح

    ردحذف
  22. اخطات في كتابة محل الميلاد ينفع اشطب بالكليكتور واكتب تاني الصح

    ردحذف

إرسال تعليق