كلية الشرطة - الاوراق المطلوبة للمتخصصين بنات فقط


الاوراق المطلوبة للمتخصصين شرطة بنات بالتفصيل 
ملاحظات هامة 
  1. لازم تاخدي معاكي مؤهلات الوالدين وشهادة تخرجك وصور 4x6 وبيانات اخواتك و عمامك و خوالك واوراق ملكيه لو في .
  2. لازم انتي بنفسك تروحي تسحبي الملف لانك بتتصوري صور شخصية داخل الكلية اثناء السحب و بتقيسي وزن و طول و يتم سحب الملف ببطاقتك الشخصية 

الاوراق المطلوبة 
  1.  صورة طبق الاصل من شهادة تخرجك بتقدير جيد حد ادني
  2. شهادة حسن سير و سلوك و دي ورقة في الملف بتروحي تختمهيا من الكلية
  3. صور فوتوغرافية حديثة 4 × 6 خلفية بيضاء
  4. القيد العائلي و ده من اصعب الاوارق اللي بتاخد وقت و يُفضل تكوني عاملها قبل ميعاد التقديم و عندك فرصة بعد سحب الملف انك تكملي في باقي الورق عادي هما بيدولك مهلة لاستخراج القيد ، وهما  " القيد العائلي للاب - للجد من الاب - للجد من الام " و بتعملية من سجل المدني الي انتي تابعة لية و خلي بالك عشان تعملي قيد لكل فرد لازم تعملي شهادة ميلاد لكل واحد
  5. صور البطاقات الشخصية للطالب و الوالدين لازم متكونش منتهية و في حالة الوفاة يتم ارفاق شهادة الوفاة مع ذكر بيانات المتوفي بالتفصيل
  6. صور طبق الاصل من مؤهلات الوالدين الدراسية او احدهما لو الاخر لم يحصل علي مؤهل و شهادة لاثبات الوظيفة من محل العمل او السجل التجاري او البطاقة الضريبية في حالة ممارسة الانشطة التجارية الحرة او سيرك المعاش في حالة التقاعد 
  7. دمغه مهن طبية 20 قرش ، طابع تأمين صحي 2 جنية
  8. استمارة 5 جند او 8 جند بتسبهيا فاضية لان بيتم مخاطبة الكلية و الجيش بخصوص خدمتك في الجيش في حالة قبولك ان شاء الله في الكلية
  9. صحيفة الحالة الجنائية ( الفيش و التشبيه ) دي للاكاديمية الحربية فقط شرطة لا
  10. اقرار الزمة المالية للوالد او الوالدة او الاتنين في حالة انهم لو موظفين و بتجبهيا من اي مكتب بريد
  11. كارت طولي للوالدين معا علي خلفية بيضاء و في حالة الانفصال كل منهما في كارت منفصل علي حده
  12. صورة من شهادات رياضية او تفوق رياضي لو مفيش عادي مش مشكلة
  13. اي اوراق اصلية من صور و مستندات ملكية خاصة لاراضي او عقارات او اي نشاط تجاري باسم الطالبة او والدها
  14. اصل مفرادات المرتب للوالد او الوالدة
  15. صورة معتمدة من قرار الوصاية و صورة من بطاقة الواصي او ولي الامر في حالة وفاة الوالد فقط و يتم استخراج اقرار الوصاية بتعيين وصي علي الوريث القاصر من اقاربه ، هذا فقط في حالة وفاة الأب " الولي الطبيعي " و عدم وجود الجد أو تنازله عن الولاية علي حفيدة , و يتم استخراج قرار الوصاية بعد طلب يتقدم به مستحق الوصاية , و يقدم طلب الي نيابة الأسرة و إحضار بطاقته , و إقرار تنازل عن الولاية الشرعية من الجد " آب الأب " اذا كان حيا و مصدق عليه بالشهر العقارى اذا تعذر حضور الجد , و إحضار شهادة قيد وفاة المورث , و شهادات ميلاد القصر المطلوب شمولهم بالوصاية, و حضور من تجاوز ستة عشر عاما من القصر بأي إثبات شخصية " كارنيه جامعة أو مدرسة أو بطاقة الرقم القومى "
الاعلان :- 
 
اعلان شرطة بينزل في شهر 7 الدفعة الاساسية بتبقي في دفعة اطباء و مهندسين و مختلط و الدفعة الاستثنائية بتبقي في شهر 2 طب بس و مفيش شرطة بعد ثانوووي عام او ازهر او فني مفيييش و مينفعش واحدة عاملة دبلومة علم نفس و هي اصلا خريجة تربية او اي كلية تانية مش مطلوبة في المتخصصين و تقدم بالدبلومة انها تقدم و الماجستير للطب فقط مفيش تخصصات تانية و خريجين الكليات الخاصة المعتمدة من وازرة التعليم العالي ينفع يقدموا انما لو معتمدة من مكان تاني مينفعش

29 تعليقات

  1. انا بنتي ثانوية عامه دور ثاني عايزه اقدم لها مجموع 59‎%‎39وعايزه اقدم لها ايه اامطلوب وهل بنفع ام لا

    ردحذف
  2. ينفع لليبيلبسوا سماعات طبية

    ردحذف
  3. انا بنتى مخلصة اداب اعلام ومتجوزه ولسه متخرجة السنه ديه ٢٠١٧ ينفع تقدم

    ردحذف
  4. انا ماجستير تمريض بتقدير امتياز ينفع اقدم

    ردحذف
    الردود
    1. كلية طب بشري مطلوب اما لو كلية تمريض فقط مطلوب بكالوريوس

      حذف
  5. الصور الشخصيه المطلوبه المفروض بشعري ولا بالطرحه عادي

    ردحذف
  6. رقم 7 انا مش فاهمة يعني ايه بيان المعاملة التجنيدية !؟؟
    وكمان رقم 16 انا مش قاصر والوصاية اترفعت من عليا بقرار من نيابة الأسرة يبقى اقدم برضه قرار الوصاية ولا قرار رفع الوصاية ولا مش هقدم حاجة منهم

    ردحذف
  7. أزال المؤلف هذا التعليق.

    ردحذف
  8. طب انا تربيه لغه عربيه ينفع اقدم

    ردحذف
  9. ينفع التقديم للبنات خريجى كلية حقوق ولا مسموح للولاد فقط بالنسبة لكلية الشرطة والحربية ؟

    ردحذف
  10. السلام عليكم اختي نفسه تقدم في الكليه العسكري هي خريجه ثانوي ازهري الدور الثاني

    ردحذف
  11. السلام عليكم اختي نفسه تقدم في الكليه العسكري هي خريجه ثانوي ازهري الدور الثاني

    ردحذف
  12. التقديم امتي و عنوان التقديم لة سمحت

    ردحذف
  13. ينفع بعد كليه علوم طبيه قسم تمريض

    ردحذف
  14. لو كلية زراعة قسم الأراضي والمياه أنفع أقدم ؟

    ردحذف
  15. طب انا معهد لغات و ترجمه لسه هتخرج السنادي ينفع اقدم و له لا !

    ردحذف
  16. انا كليه زراعه قسم اقتصاد منزلي يتدنفع اقدم ولا لا لو سمحت

    ردحذف
  17. طب لو طب بيطري ينفع ولا لا

    ردحذف
  18. طب لو كليه تجاره عربى بنات قسم محاسبه
    ينفع يقدموا شرطه او حربيه ولا لأ

    ردحذف
  19. من فضلك انا تربية نوعية قسم فنية ينفع اقدم؟

    ردحذف
  20. ينفع لحد سن كام؟؟
    صيادله؟

    ردحذف
  21. ينفع لخرجى المعاهد الفنيه تمريض

    ردحذف
  22. انا بنت انا معايا دبلوم فني تجاري وجايبها مجموع كبير وبعدها دخلت معهد فني تجاري سنتين وتقديري جيد جدا مرتفع ينفع اقدم وممكن اقدم من كليه تجارة ولا ماينفعش

    ردحذف
  23. انا كليه ترببه ينفع اقدم

    ردحذف
  24. انا خريجة ليسانس لغه عربيه بدرجة مقبول القوام والشكل تمام وطولي 160 هل ينفع اقدم

    ردحذف

إرسال تعليق