كلية الشرطة - كشف القوام و تفاصيل الاختبار الطبي وشرح كل عيادة بالاختبار



 اختبار المقاس والقوام 

بيتم فية قياس طول وعرض صدر الطالب  للتأكُد من استيفائه للمقاييس المطلوبة، والطالـب الذى لا يستوفى تلك الشُروط لا يكون له حق الإعادة، ويتم اختبار القوام من خلال التأكد من (تناسب الطول مع الوزن "الطول – 90") وتكون الإعادة لمرة واحدة فقط.

الاختبار الطبي

تعليمات هامة
  1. لو كنت عامل عمليات قبل كدا افحصها قبل ما تروح الكشف الطبي
  2. اوعي تاخد اي ادوية او مواد مخدرة قبل ما تروح الكشف الطبي
  3. احلق شعر الابط والعانة وشعر الراس والذقن قبل ما تروح
  4. تروح لدكتور اسنان تعمل تلميع اسنان قبل ما تروح بيوم
  5. برضو تروح لدكتور انف واذن تعمل غسيل اذن قبل ما تروح بيوم
  6. الحضور في ميعاد الكشف الطبي من الساعه 6 صباحا لعدم التاخير 
  7. الحضور صائم يوم الكشف الطبي

ملحوظة

  1. اول ما بتدخل بتنتظر لحد ما يندهوا علي اسمك وبتبقوا حوالي 20 واحد ومعاكم امين شرطة بيفضل معاكم من اول لاخر الاختبار
  2. كل واحد يحفظ رقم المجموعة بتاعته ورقمه كام ف المجموعه
  3. متروحش اي مكان من دماغك
بعد كده المجموعة كلها هتطلع ف اوضه وتقلع كل هدومك وتحطها ف دولاب كدة هيبقي في حد قاعد هناك علشان محدش يسرق حاجه ولو عايز تاخد الموبايل خده بس هتسيبه ف الاوضه بعد كده هتروحوا لظابط هيتأكد من اسمكم وبطايقكم وصوركم 
 
بعد كده هتنزل للامين يوديكوا اختبار اختبار وهيا كالتالي :
 

1-كشف الجلدية؛
بيتم عرضك على الدكتور وبيشوف اذا كان عندك اى جرح او مرض جلدى

 
  2-كشف الاسنان؛
الكشف دة مش عاوز تعريف هو بس بيشوف الاسنان مظبوتة ولا ولو مركب طربوش عادي فيه ناس عديت قبل كدا

 
3-كشف العظام؛
دة بيشوف شكل الجسم وبعض الحالات مثل الفلات فوت التقوس الالتصاق الناتج عن التقوس
واحيانا بيطلب منك عمل عقلة وعلى فكرة الكشف دة بيطلع اكثر من 60%من الناس اللى طالعة طبى

 
  4-كشف الانف والاذن؛
لازم تكون رايح الكشف دة غاسل اذنك واحد يقولى اغسلها بالمية والصابون فى البيت لا
يا فالح الغسيل دة بيكون عند دكتور علشان بنظف الاذن من الشمع علشان الدكتور يقدر يشوف داخل الاذن


 

 5-كشف الرمد وعمى الالوان؛
نبدا بعمى الالوان بيعرض عليك كذا صورة وتقول الرقم اللى فيها ولو عاوز تختبر
نفسك الصور دى موجودة على الانترنت ودا موقع بيعملك اختبار (http://www.freeiqquizz.com/?id=552)
الرمد انت طبعا عارف اللوحة اللى عليها دوائر مفتوحة او حرف زي حرف E كدا 


ملحوظة : يسمح للطلبة الحاصلين علي مجموع 92% فما فوق علمي بالكشف بالنظارة لصالح الكلية الفنية العسكرية


6-كشف الجراحة؛
كشف الجراحة مش بيكشف عن العمليات الجراحية وكدا لا دا بيكشف عن البوسير او الاشخاص ال !!!! :)

7-كشف الباطنة؛
كشف الباطنة دا بيكشف عن الطحال والمعدة واشياء اخري في البطن مش عارفين ايه هيا لانه كشف غريب كدا المهم نادر ما حد بيسقط فية

8-كشف النفسية؛
بيطلب منك النطق ببعض العبارت علشان يشوف عندك حرف ولا لا زى(44 66) او امر امير الامراء بحفر بئر في الصحراء وهكذا

9-كشف المعمل؛
بياخد منك عينة دم وعينة بول وبحللها طبعا عشان الفيرس او اي مشاكل في الدم او صديد في البول وكمان اكتشاف اذا كنت بتشرب مواد مخدرة او لا

 
  
10-كشف الموجات الصوتية؛
الكشف دة على الكلى بالموجات فوق الصوتية اكيد اكتر الناس تعرف جهاز الموجات فوق الصوتية الي بيستخدم لتصوير الجنين الي هو دا

11-كشف الاشعة على الصدر؛
بيتم فية الكشف علي الرئتين والبحث عن وجود تليف وكدا  من خلال عمل اشعة للصدر كدا



12-كشف قاع العين؛
كشف قاع العين
وهو ضروري للاطمئنان على شبكية العين والجسم الزجاجي.
بيقوم الدكتور بوضع قطرة مخصصة لتكبير الشبكية لكي يري ما بداخلها طبعا القطرة دي صعبة شوية لانك مش بتعرف تشوف في النور كانك في غرفة مظلمة والكهرباء قاطعة لو النور جا فجاءة مش بتشوف الا بعد ثواني دا بالضبط الي بيحصل بس دا بيدوم شوية 



وبعد كدة هتروح كشف عادي قدام لواءات كدة بيبصوا عليك بصه نهائيه علشان يشوف لو حد سقطك ف حاجه



وبعد كل دا بتلبس وتروح وتستني النتيجه ع الموقع

====================

الطبي النفسي 
 
هيشوف عندك عقدة قديمة او نقص حاجة تمنعك تبقي ظابط شرطة ولا لا
هتروح وتستني لحد ما الدكتور يجي وهيقولوا الي اول اسمهم حرف مثلآ أ او هينادوا علي اسامي علي حسب ما عايزين هما
هتقعد في فصل كدة وهتاخد ورقة وبعد كدة تراجع اسمك وتدخل تمتحن طبي نفسي هيتجاوب علي الاسئلة
الاسئله كلها نفسية وشخصية
تقريباً 40 سؤال وتجاوب يا نعم او لا
وسؤال رياضي ذكي كدة وتكتب حكمة من دماغك وتشرح معناها وبعد كدة تاخد كارت التردد وتروح وتستني النتيجة
يأما تفضل قاعد لحد ما يندهوا على اسمك علشان تدخل للدكتور تقعد مع الدكتور ومش معني كدة انك سقطت لا ده بيبقي شاف حاجة ف اجابتك وعايز يتأكد منها او عايزك تشرح الحكمه الي كتبتها

بعد كدة هتقعد مع دكتور ممكن تقعد مع دكتور كويس وممكن تقعد مع واحد يستفزك علشان يشوف اخرك انت ونصيبك

92 تعليقات

  1. لو عملت عملية ناسور شرجي هل هقبل بعد العملية

    ردحذف
    الردود
    1. العمليات الجراحية بتاثر في الكشف الطبي اذا لم يتم اخفاء اثارها ويمكن ان تتسبب في سقوطك

      حذف
  2. طيب لو عملية زي الناسور العصعصي

    ردحذف
    الردود
    1. معرفش اساسا ايه العملية دي لاكن فقط العمليات الجراحية بتاثر في الكشف الطبي

      حذف
  3. طب انا عامل عملية الزيدة لو عملتها تجميل هخش ومافي متخيطا لو عملتها بردو هخش

    ردحذف
    الردود
    1. للاسف عملية الزايدة بتتكشف في كشف الجلدية وبتاثر عليك انت ونصيبك

      حذف
  4. لو الشخص عنده كلى واحده بس معدله ذى كليتين يقبل اما لا

    ردحذف
    الردود
    1. بعتقد لا لانه بيكشف عنها هي والطحال في كشف الباطنة وانت ونصيبك برضو

      حذف
  5. هو في الكشف الطبي اخويا هيقدم انشاء الله بس بيشرب سجاير بس ده يقصر؟

    ردحذف
    الردود
    1. هما بيعملو اختبار لرئة والسجاير بتاثر عـ رئة فـ الله اعلم بقى

      حذف
  6. طيب ايه الفكره من حلق شعر الابط والعانة وشعر الراس والذقن لان مفهمتش ايه القصد

    ردحذف
    الردود
    1. عشان يشوف سياتك المستخبي تحتهم😂😂😂😂😂

      حذف
  7. عندى استيجماتيزم ايه الحل ؟ هل لو عملت عملية تصحيح نظر اعدى؟

    ردحذف
  8. طيب انتا كاتب او الاشخاص ال اه ؟؟

    ردحذف
  9. دلوقتي الأشخاص ال !!!!! دول عبارة عن ايه؟
    يعني انا مثلا لو واحدة بتعمل العادة السرية تاثر ولا لا؟

    ردحذف
  10. طيب بالنسبة للندبه (غرزة واحدة) في اسفل الوجه

    ردحذف
  11. هو كشف الي في كشف العظام عمله عقله

    ردحذف
  12. طب مفيش اختبار ثقه

    ردحذف
  13. اسلام عليكم كنت عايز اسال سؤال

    ردحذف
  14. تب انا متخيط فى صبعى الصغير بتاع ايدى 5 غرز يااثر

    ردحذف
  15. هل لو طلعت طبى علشان حاجه وهى محتاجه عمليه هل لو رجعت وعملت العمليه هقبل ولا لا ولا هما مش بيقبلوا العمليات الجراحيه اصلا ؟؟

    ردحذف
    الردود
    1. فيه عمليات بتتقبل وفيه لا لو هتاثر علي ادائك

      حذف
  16. السلام عليكم انا عامل عمليه الزايده من ٥ سنين ٣غرز وحجمها صغير هل هقابل مشكله

    ردحذف
  17. هو امتى اخر يوم للتظلم فى الاختبار الطبى

    ردحذف
  18. طب لو حد عامل عمليه الليزك بيقبلوها عادى والا وهل ف واسطه للطبى

    ردحذف
  19. انا كشفت طبى وطلبو منى تنظيف الاذن وعلاج حبوب الشباب ممكن انجح بعد ذلك ارجو الرد

    ردحذف
    الردود
    1. اه عادي دي مش مشاكل دي مجرد حاجاة بتتصلح

      حذف
  20. لو رحت بعد ميعاد الكشف بيوم علشان في تعارض مع كشف الحربية هل يمكن يسمحوا لي بالكشف

    ردحذف
  21. هما بيكشفو على فتحه الشرج؟

    ردحذف
  22. لو فتحه الشرج مفتوحه عشان جرح وكده بيعالجها ازاي

    ردحذف
  23. هل الواسطة فى الطبى بتعدى لو فيه مشكلة ولا مافيش الكلام ده فى الطبى بالذات

    ردحذف
  24. لو عندي جرح في ايدي بتاثر

    ردحذف
  25. لو سمحت هو لو فيه بقعة بنية في الضهر هي مش كبيرة بس باينة شوية تخرج ؟

    ردحذف
    الردود
    1. محتمل بيسموها وحمة وخرجت ناس كتيير شرطة السنادي

      حذف
  26. هل حقن الهرمونات لي بناء العضلات زي هرمون التستيستيرون هيسبب معاهم مشاكل

    ردحذف
  27. ياتري عمليه استئصال حصوة من الكلي بالجراحه بتأثر مع العلم اني عاملها من خمس سنين

    ردحذف
    الردود
    1. للاسف انا مش دكتور عشان احدد دا شي هيرجع للدكتور في الكشف الطبي او استشير دكتور افضل

      حذف
  28. أزال المؤلف هذا التعليق.

    ردحذف
  29. لو سناني مش منتظمة يعني محتاجه تقويم
    بس كل حاجه فيها تمام مفهاش اي بوظان وبيضا
    فيها مشاكل؟ وهل بعد التقويم برضو في مشكلة؟

    ردحذف
  30. فتحت الشرح مفتوحه يقبلون

    ردحذف
  31. طب موضوع السنان دا سناني ملغبطة شوية عادي ولا فيها حاجة

    ردحذف
    الردود
    1. جاوبوني بسرعه انا امتحنت طول وقوام ونجحت من 5 ايام ولسه لحد الان مجاش موعد الطبي ، كدا فيه مشكله ولا اي

      حذف
  32. دلوقتي الأشخاص ال !!!!! دول عبارة عن ايه؟
    يعني انا مثلا لو واحد بيعمل العادة السرية تاثر ولا لا؟

    ردحذف
  33. طب لوعامل عمليه فص رئه يطلع بس من زمان اوي

    ردحذف
  34. طيب انا عندى فلات فوت ينفع اتقدم للكليه

    ردحذف
  35. حضرتك قلت والناس ال!!!!

    ردحذف
  36. طب لو النظر ناقص درجه ينفع ولا

    ردحذف
  37. طب الي بيشرب سجاير بس ممكن يبطلها لمدة سنه هل هترفض ولا لا
    بس هيه مش مأثره والحمد الله ورياضي و كل شويه بعمل تنضيف للرئه

    ردحذف
  38. طب النظر ٦/٤ هيقبل ولا لا

    ردحذف
  39. لو عامل عمليه استخراج حصوات من الكلي جراحه هل تقصر

    ردحذف
  40. حجم العضو الذكري ضعير ده بيعدى ولا

    ردحذف
  41. عندي مشكله ف ايناني

    ردحذف
  42. انحناء العمود الفقرى بنسبة طفيفة هل له تظلم

    ردحذف
  43. اختبار القوام والمقاس اتحدد اول الاسبوع السبت وانا الاسبوع كله امتحانات في الكليه لاني من سينا واتاخرنا في بدايه الدراسه اييييييييه الحل

    ردحذف
  44. جاوبوني بسرعه انا امتحنت طول وقوام ونجحت من 5 ايام ولسه لحد الان مجاش موعد الطبي ، كدا فيه مشكله ولا اي

    ردحذف
  45. عندى لدغه فى حرف الس وده مش موجود بالفعل وعندى التصاق فى الفخدين .كتبين غير لائق فهل لى اعاده ولا كده خلاص من فضلك تجاوبنى

    ردحذف
  46. من



    كان عندى طبى شرطه وكتبولى غير لائق فى حب الشباب التصاق الفخدين ولدغه فى حرف الس وده مش عندى اصلا اللدغه فهل كده غير لائق نهائى ولا لى التماس واعاده من فضلك ترد على

    ردحذف
  47. من



    كان عندى طبى شرطه وكتبولى غير لائق فى حب الشباب التصاق الفخدين ولدغه فى حرف الس وده مش عندى اصلا اللدغه فهل كده غير لائق نهائى ولا لى التماس واعاده من فضلك ترد على

    ردحذف
  48. لوتعارض الكشف الطبي في الحربيه مع الشرطه حيث أن تاني يوم كشف الحربيه هويوم الكشف للشرطه اعمل ايه

    ردحذف
  49. انا روحت يوم المقاس والقوام ال هو تاني يوم وقيست طول ووزن بس هل كدا ناقص حاجه انا معملتهاش عشان ظهرلي نتيجة المقاس والقوام لا

    ردحذف
  50. حضرتك انا دلوقتي في تالته ثانوي وحابب شرطة وزني وطولي مثاليين ونظري مفيهوش غلطة وجسمي رياضي بلعب حديد وكده بس مباخدش هرمونات كل حاجه قولتها في الموضوع بتاعك تمام معايا عدا الاسنان بس عندي اسنان مش مظبوطة محتاجه تقويم ممكن افادة لو سمحت

    ردحذف
  51. طيب انا عندي حرف الراء بس مش ظاهر اوي ده في مشاكل
    وعمتاً انا رايح لدكتور بس عايز اعرف بيكون في مشاكل والا لا

    ردحذف
  52. انا اخويا اقدم وفي الطبي خرج مره عشان الاسنان وعمل تظلم وبعدين اتكتبله غير لائق الدغ راء بس هو مش الدغ هل دي ليها تظلم تاني ولا لا

    ردحذف
  53. لو سمحت انا عندي تقوس بسيط يعني مش ماثر عليا ولا علي شكلي بس لما بخرج ايدي من وسط ركبي بتخرج بلظبط فهل دة ممكن يخرجني وهل لو عملت عملية جراحية ادخل عشان انا عارف ان علاج التقوس الوحيد هو العملية الجراحية

    ردحذف
  54. لو سمحت إلى عندو البواسير بيخرج حتى لو عامل العمليه وله مش يعملها احسن

    ردحذف
  55. طب فى الاكاديمية بعد التخرج ..ينفع الكشف بالنضارة ؟

    ردحذف
  56. ال بيشرب ومن ساعت م قادم بطل وهما ف التحاليل هيعرفوا اني مبطل مثالا من ٢٠يوم هنجح ولا اي

    ردحذف
  57. طاب انا لو عندى غرز فى كذا حته ف الجسم ممكن تاثر ف الكشف الطبى

    ردحذف
  58. ابني عدى من كل الكشوفات جي دكتور الجراحة لاقى جرح حوالي 2 سم قالة آية ذو كتب جرح بسيط ف الكتف الشمال جرح لا يذكر مش عارف كدة خرجة حرام علية والله

    ردحذف
  59. لو طلعت فالقوام.. وعملت تظلم في امل انجح

    ردحذف
  60. لو سمحت حساسية الانف ممكن تطلع

    ردحذف

إرسال تعليق