الكلية الحربية - تفاصيل الكشف الطبي للضباط المتخصصين

 
 
الكشف الطبي للضباط المتخصصين
-------------------------------------------
 دلوقتي حضرتك عديت في كشف السمات الحمد لله ودلوقتي الكشف الطبي اولا الطبي يومين متتابعين كالاتي
المطلوب قبل الكشف
  1. حلق شعر الراس علي الدرجة 1 او 2
  2. غسل الاذن وتلميع الاسنان 
  3. شراء سلب ابيض سبعة للبسة وقت الكشف
-----------------
 اليوم الاول
-----------------
  1. عياده التناسق . بتدخل علي ميزان اليكتروني بتقيس وزنك وطولك مع بعض وخلي وزنك مثالي يعني اطرح من الطول 100وده الوزن المثالي
  2. عياده النفسيه . ودي عباره عن كشف مخارج الحروف واللدغ ودي من العيادات السهله والضابط هيخليك تقول مثلا 44 او 666او امر امير الامراء وهكذا 
  3. عياده الباطنه.ودي عياده هتدخل تنام علي السرير والدكتور يضغط علي بطنك وخلاص 
  4. عياده الانف والاذن والحنجره . الدكتور بيبص في الاذن لو الطبله مخرومه او كده والانف لو فيه اعوجاج في الحاجز الانفي ولو فيه حاجه من دول حاول تعالجهم قبل التقديم وملحوظه لازم تكون غاسل ودانك عند دكتور قبل متروح الكشف
  5. عياده الاسنان . ودي سهله برضو بيشوف الفكين متطابقين ولا لا وبيشوف الدروس لو بايظين 
  6. عياده الجراحه . بتدخل علي الدكتور وتنزل اللبس وبيمسك الخصيتين وبيخليك تكح عشان يشوف فيه دوالي ولا لا وبعد كده بتلف وتوطي وبيشوف فيه عمليات بواسير او عمليات تانيه 
  7. عيادات الرمد . ودي بتقيس النظر عباره عن لوحه فيها دواير بتقف علي مسافه معينه والعسكري بيشاور علي علامه وانت بتقول مفتوحه في انهي اتجاه وطب عسكري وفنيه عسكريه مسموح ليهم يكشفوا بالنضاره 
  8. عمي الالوان . ودي بتبقا قبل ما تدخل عياده الرمد بيبقي فيه ضابط واقف بورق وفيه ارقام وانت بتقولو العدد اللي مكتوب كام 
  9. عياده العظام . ودي من اصعب العيادات اللي كتير بيسقط فيها بتدخل تقف سبعه بيشوف شكل الجسم لو مش متناسق بيطلعك من قبل ما الكشف يبدأ وبعد كده بيشوف التقوس واللتصاق الفخدين وتراكب الركب وعدم تناسق الفقرات وهيخليك تعمل 3ضغطات وياريت تركزو في الكشف ده
  10. عياده الجلديه . بتدخل العياده والدكتور بيشوف عرق الايدين اللي عندو املاح كتير بيخرج وبعد كده بيشوف حب الشباب لو كتير هتسقط وبعد كده بيشوف لو فيه غرز او تعاوير لو فيه بشكل كبير بتخرج وبيشوف الحروق والوحمات لو فيه باينين اوي بتخرج 
 ------------------------------
بعد متخلص كده اليوم الاول خلص هتروح تلبس هدومك وتستني عشان تسمع نتيجتك .بعد متخلص هتلبس لبسك وتستني نتجتك
-------------
اليوم التاني
 -------------
  1. عياده اشعه علي الصدر:ودي عباره عن جهاز بتحط صدرك عليه وده سهل ان شاء الله
  2. عياده القلب:الدكتور بيحط سماعه علي قلبك وبيسوف نبضات قلبك وحاول وانت داخل العياده دي تبقي هادي ومتجريش عشان ضربات قلبك متزدش
  3. عياده رسم القلب:ودي بتنام علي السرير وبيركب جهاز علي قلبك ومشابك كده في رجلك وايدك وبيطلع رسم القلب من جهاز
  4. عياده الموجات الصوتيه:ودي بتبقا اشعه علي الكليتين
  5. عياده قاع العين:وما ادراك ما قاع العين هيتحطلك قطره بتحرق العين وبتدخل تقف صف والدكتور بيعدي منظار علي العين بعد كده بتقعدعلي جهاز بتحط عينك فيه والجهاز وده بيكشف حالات الحول والنظر الضعيف وعمليات الليزك

28 تعليقات

  1. فى جلدية لو فية خطوط بيضاء اسفل الظهر بطلع ولا عادى

    ردحذف
    الردود
    1. دا كشف للامراض الجلدية لو دا مرض جلدي اكيد بتطلع

      حذف
  2. طاب لو فيه نسبه مياه بيضاء ناتجه عن التهبات في عين وحده والنظر تمام تعدي بعد العمليه

    ردحذف
  3. طب بعد اذنك لو في ضروس بايظه وروحت عند دكتور الاسنان وعملت حشو ليهم ايه الوضع كده تقديم ظباط متخصصين

    ردحذف
    الردود
    1. عادي المهم متروحش بدون ما تعملهم تقويم

      حذف
  4. لو سمحت لو انا روحت عامل تقويم مركبه دا فيه مشكلة ؟ ولا كدا مش هيبقي فيه مشكلة برغم ان المشكلة ف اول سنتين مش اكتر انما الفك بيتطابق

    ردحذف
  5. لو في دوالي بسيطه في الخصيه اليسري ممكن تطلعني ولا اايه الحل

    ردحذف
  6. كلية العلوم
    كشف الرمد فى تقديم الضباط المتخصصين
    ينفع الكشف بالنضارة مع العلم النقص بسيط جدا

    ردحذف
  7. دوالى الخصيه بتطلع ساسى ولا ممكن تعدى؟

    ردحذف
  8. النظر الضعيف ينفع . يعني لابس نضارة . اقبل ولا لا

    ردحذف
  9. لو عندى دوالى فى الخصيه و عملت العملية عادى ولا ؟؟؟؟

    ردحذف
  10. بالنسمبه لحب شباب الظهر بيكون فى مشكله برضو ولا

    ردحذف
  11. كلية زراعة هكشف بالنضارة ولا ايه وهل التقدير بيفرق

    ردحذف
  12. حربية فى كشف الرمد ممكن تكشف بنضارة

    ردحذف
  13. لو فى الزراع جرح سبع غرز ايه الحل

    ردحذف
  14. ابني زارع ضرسين داخليين ليها تاثير في الكشف الطبي للضباط المتخصصين؟

    ردحذف
  15. لو سمحت انا طب بشري و الطول ١٦٩ هل ده مناسب ولا لازم ميقلش عن ١٧٠ زي الحربيه

    ردحذف
  16. لو فى ضرس مكسور وتلاته حشو لعدم التسويس اكتر ينفع

    ردحذف
  17. التنيه ايه أخبارها

    ردحذف
  18. طب عمليه الليزك السطحى بتبان فى الكشف

    ردحذف
  19. طب الي جسمه سليم ميه ف الميه الحمد لله بس في سنه تكوس ف الرجلين ايه االحل

    ردحذف
  20. لو انا عامل عمليه اطاله وتر فى دراعى اليمين هل دا يأثر

    ردحذف
  21. طب كدا اللي عامل ليزك هيطلع صح ؟!!!!

    ردحذف
  22. لو فيه حرق في الفخد هيطلع ولا لاء

    ردحذف

إرسال تعليق