الكلية الحربية - تفاصيل الكشف النفسي والهيئة ومعلومات عن مصر والعرض العام للمتخصصين



الاختبار النفسي
---------------------------------------
تقعد على الكومبيوتر بتجاوب حوالى 270 سؤال مختلف اختر فى زمن محدد والزمن بيبقى فوق فى الصفحه العداد شغال ولازم متاخدش فى قراءة وحل السؤال اكتر من 10 ثوانى والى مش هتلح تحل حاجه خالص ومتخفش لان الاسئلة دى بتبقى عن شخصيتك ومواقف مختلفة بيشوفوا رد فعلك ايه وحاول تكون مركز لان السؤال بيتكرر بكذا طريقة
وبيتم تحديد فيه شخصيتك ع اجهزه كمبيوتر اسئله بقي لا تعد ولا تحصي من هنا للصبح وخلى بالك فى اسئله تحديد ذكاء كتيير جدا وفى الوقت دا هاتحس فعلا بمعدل ذكائك وهل انت ذكى ولا غبي والاختبار دا مهم جدا على فكره وبيكون ليه عامل اساسي فى اختيارك
ولو فى حاجه مش فاهمها اسئل عنها لان لو فى حاجه مش فاهمها ممكن بسببها تضيع كل الاسئله ودي
حصلت مع دفعه كامله كانت بتختبر
كدا كدا قليل منكم اللى هاتلاقوه ماجلوش رساله انه يكمل بقيت الاختبارات لان اساسا الاختبار دا عباره عن درجه بتاخدها وبتكمل

------------------------------
اختبار الهيئه  😬
-------------
اولا : 

إحضر في يوم الأختبار الساعة السابعة صباحاً ولا يُسمح بالتخلف أو التأجيل .

ثانيا :

الإختبار الشخصي يهدف إلى إنتقاء أفضل العناصر التي تلتحق بالقوات المسلحة والتي تتوفر فيها :
  1. السمات الشخصية والنفسية المناسبة.
  2. اللياقة الطبية والبدنية التي تؤهل الطالب للنجاح في عمله .
  3. قوة الشخصية والقدرة على التصرف .
  4. المعلومات العامة والثقافية.
  5. الرغبة الأكيدة للطالب للإلتحاق بالكليات العسكرية .

ثالثا : 

يتم الأختبار وفقاً للشروط واللوائح والقوانين المنظمة وطبقاً لإحتياجات القوات المسلحة في الأفرع الرئيسية المختلفة .

رابعا :

تذكر أنك تتقدم لمجلس مديري الكليات والمعاهد العسكرية لأختيارك من ضمن آلاف
المتقدميين فحافظ على مظهرك وأرتدي الزي المحدد بالطريقة المناسبة .

خامسا:

سوف يتم توجيه بعض الاسئله التعجزيه اليك و عليك ان لا تترد و تجيب فى ما بين من 3---7 ثوانى تقريبا.
بعض الاسئله لاكن ربما لا تكون موجودة مجرد اقتراحات او اراء اشخاص حضرو الاختبار:
  1. قدامك طبق رز فيه كام جبيه رز؟
  2. يرسملك سلم على الحيطه و يقلك اطلع السلم ده.
  3. هيحط سجاده كبيره اودام باب غرفته و يؤللك تعالى من غير ما تدوس على السجاده؟
  4. كم عدد ايات القران الكريم؟
من وجة نظر شخصية مفيش حاجه من دي بتحصل خالص ممكن اسالة عامة او اسالة عن العائلة فقط

الهدف من هذه الاسئله كشف رد فعلك وسرعه استجابتك للرد على الاسئله
المطلوب منك :
------------------
تكون محضر بدله نضيفه وكرفته كويسه وملمع جزمتك وبكل هدوء بتدخل الهيئه فى هيئه خطوه معتاده
ادرب عليها حتى ولو انت مش ظابط او عسكري هايدل ع اهتمامك ومنظرك بيكون احلى
بتقول 6 حاجات ع ما اتذكر
(( اسمك - جامعتك - كليتك - تخصصك - تقديرك - درجتك فى الرياضي ))
وانت فى الاختبار بيبصولك وبيبوصه للملف بتاعك ع شاشات اسكرين قدامهم ممكن يسألك عن حاجه وممكن يقولك اتفضل
ممكن تلاقى اسئله غريبه وحصلت زى مثلا اذكر مدن شمال سينا او مساحتها وممكن تلاقى اسئله شخصيه وانت لازم تكون بتتزن بالهدووء التام وتكون جاد فى كلامك ولو حد هزر معاك اخرك ابتسامه خفيفه وبلاش ابتسامه احسن
ماتعلقش ع الهزار او ترد بنكته ويكون كلامك فيها اتزان
(حضرتك وافندم -وتمام يافندم )الكلمات الرسميه او عندنا ماتسمى بالكلمات الميرى

----------------------------------------------
معلومات عن مصر
--------------------------------------------------

فى مدرج كبيير جدا تقريبا بيكون فيه العدد كله او ع مرحلتين وراء بعض بتاخد التعليمات وتبدأ تختبر زي السمات بس المره دي الاختبار هايفرق معاك فانا انصح انك تطبع ملف معلومات عن مصر وتذاكره هياخد منك يوم ونص ومعلومات تقريبا انت عارفها .هاتدخل الامتحان هاتحله كله بالكامل صح وهاتكون متأكد من حلك
دا اللى انا كنت عملته وخلى بالك مع مذاكرتك دي وانك بتعرف الاجابه من قبل ماتقرأ السؤال ان وقت الاجابه مش هاتكفيك فحاول انك تكون سريع بس سرعتك ما تأثرش ع تركيزك

----------------------------------------------
   عرض عام
----------------------------------------------------

بيبقي عباره عن تحاليل طبيه متقدمه فقط لا غير بتعملها وانت لابس هدومك كامله وبتروح على طول وبتنتظر نتيجه قبولك ام لا تقريبا هم بيقولولك انها هاتجيلك بعد 10 ايام لكن هى فى الحقيقه هاتجيلك خلال 25 يوم

سعداء بخدمة حضرتكم

21 تعليقات

  1. فين ملف معلومات عن مصر ؟

    ردحذف
    الردود
    1. دا الرابط
      http://www.ta2deem-7arbya.com/2016/10/blog-post_18.html

      حذف
  2. هل لازم اكون صايم قبل اول اختبار طبي مع العلم ان لم يتم زكر الصيام في رسالة القبول بالسمات

    ردحذف
  3. لو سمحت ينفع الكليه الحربيه للبنات؟؟ ولو ينفع هنتخرج نشتغل ف ايه؟؟ بعد اذنك

    ردحذف
  4. انا كنت تخين و خسيت بس عندي ترهلاع ف البطن و دي مبتنولش بسهوله و لازم فتره مع العلم وزني اد طولي فهل و انا فالطبي المتقدم ممكن اسقط علشان الترهلات دي؟؟

    ردحذف
  5. طب بالنسبة للبنات الحاصلين على بكالوريوس تربية وعلوم فيزياء هل بيتم قبلوهم مع انهم طالبين تخصصات علوم فيزياء بس

    ردحذف
  6. نتيجة هيئة حربية متخصصين امتى

    ردحذف
  7. انا حلمي اني التحق بالعسكريه والحمد لله جسمي كويس وخفيف جدا وقوي وده بعد تعب كبير بس في عائق في حياتي انا عندي خالي محبوس في سرقة وعمي محبوس في قتل هل ممكن اتقبل ولا ما احطش امل

    ردحذف
  8. النفسي المتقدم عباره عن ايه ؟؟

    ردحذف
  9. نتيجه هيئه حربية متخصصين امتى

    ردحذف
  10. حضرتك انا عندي مشكله ان فيه دوالي ف رجلي الأيسر واضحه دا ممكن يسقطني في الكشف ؟

    ردحذف
  11. من فضلك امتي بتبدأ التحريات
    علشان عرفت انك لو نجحت في كشف الهيئة بيبدأو التحريات ولو منجحتش مفيش تحريات فعاوز اعرف ميعاد التحريات تحديدا لانها مؤشر علي قبولك في الهيئة من عدمة
    مع الشكر

    ردحذف
  12. لو الشخص اجتاز جميع الاختبارات بنجاح فاءق ولكن في مشكلة وصل امانة علي قريب لة من الدرجة الرابعة منذ 18 عام رغم ان الولد دخل هيءة ونجح واحرز في الرياضي احسن الدرجات ومجموعة كبير في الثانوية هل هذا سيكون عاءقا علي العلم انة ينتظر النتيجة النهاءية ارجوا الافادة افادكم اللة

    ردحذف
  13. هل موجود بعد العرض العام رياضي متقدم ؟؟؟ ارجو الرد

    ردحذف
  14. ازاي فيه ناس بتفول الهيئه هتبقي قميص وبنطلون وجزمه وانت بتقول بدله

    ردحذف
  15. بالنسبة للتحاليل ف انهي كشف طبي الاول ولا الاحير؟

    ردحذف

إرسال تعليق