الكلية الحربية - شرح يوم سحب وتسليم الملف للمتخصصين


 اولا يوم سحب الملف
-----------------------------------------
ملحوظات عامة للشباب

  1. تخفيف الشعر علي الدرجة الاولي او الثانية
  2. اهتم بمظهرك كويس عشان هتتصور هناك
  3. يمنع لبس اي احذية غير الجزمة او الكوتشي
  4. الحضور بمبلغ 100 جنيه ثمن سحب الملف
  5. احضار قلم ازرق لاي ملاحظات
  6. الحضور مبكرا من الساعة السادسة او السابعة صباحا
  7. احضار البطاقة الشخصية وشهادة التخرج او بيان النجاح

هنتكلم عن اول يوم ليك وهو سحب الملف قبل ما نخش ع الاختبارات :

السحب هيكون من بوابة التنسيق 


بعد ما تدخل بيتم توجيهك سواء لسحب الملف ثم التصوير ثم الشرح ثم الخروج او حسب التريب الي هما ماشيين بيه
لازم تعرفوا ان من اول خطوه ليك ف الكليه بتكون ف مسابقه بينك وبين زميلك وطبعا الافضليه للمتفوق ف الاختبارات ونصيبك محدش هياخده غيرك
هتدخل وهتقضي يومك ومتقلقش هتلاقي معامله كويسه من الظباط لانهم بيتعاملوا مع ناس كبيره
حاول تتجنب اي مشكله وتسمع الاوامر وتنفذها لان مخلفتك لاوامر ظابط مش هيكون ف صالحك وكل حاجه بتتحسب عليك من اول اليوم ده
مش هتاخد وقت كتير وتاخد الملف وتكون ف بيتك
نصيحه مني :
حاول تنجز نفسك وتخلص ورقك وتقدم ف معادك واي استفسار سيبه وهيتم الرد عليه ف اقرب وقت 

ثانيا يوم تسليم الملف
--------------------------------------
ايه الحاجات اللي هاخدها معايا يوم التسليم ؟ 
 املأ الملف بالكامل وثبت صورك فى الأماكن المطلوبة ويجب أن تكون الأختام واضحة والبيانات واضحة ولو فى حاجه مطلوب منها صورة معتمدة ومش معاك يبقا خد الاصل والصورة معاك الكلية وهما هيظبطوا كل حاجه ومحدش يسألنى املا الورق الكرتون ولا لأ املا كل الملف ما عدا الحاجات اللى الكلية بتملاها بنفسها زى الورقة الصفراء وورق الطبى لما تروح تسلم الملف تاخد معاك قلم جاف ازرق وصورك اللى اتصورتها وكارت التردد وبطاقتك ودباسة عشان لو فى حاجه هتدبسها وكارت الطول والوزن و 2 اكلاسيه ومن فضلكم محدش يناقشنى ف الحاجات اللى هتاخدوها عشان صدقونى هتحتاجوها
 يوم التسليم النظام ماشي ازاي ؟ 
الدخول بيكون من باب استاد الكلية الحربية يعني باب رقم 7 لما بتدخلوا بتتوزعوا ع مظلات حسب الطول والمجموع والشعبة يعني العسكري هيقول اللي طوله مثلا 170 و65% ييجي كدة واللي طوله اقل من 170 و60% ييجي كدا . المهم هتقعدوا ف المظلة الخاصة بالكلية و4 ظباط هيراجعوا معاك الملف ولو لقوه مظبوط ومش ناقصه حاجه بيختم عليه ختم (روجع) ولو ناقص حاجه بيقولك ارجع اعملها وتعالى . بعد كده هتروحوا على شباك خاص بالكلية وهتسلموا الملفات والراجل بيلزق رقم القيد بتاعك ف الاماكن المطلوبة فى الملف وبيلزقلك واحد ع كارت التردد وواحد تانى ع ورقة نموذج اجابة السمات بعد كدة هتروح ع شباك تانى يختملك ختم (سمات) ع كارت التردد بعدها هتقعد فى مظلة تمتحن السمات هتلاقي شرح مفصل لاختبار السمات برضو في الموقع هنا
  سعداء بخدمة حضرتكم

34 تعليقات

  1. من فضلك ميعاد سحب الملف للمتخصصين امتي؟

    ردحذف
    الردود
    1. لم يتم الاعلان بعد لاكن قريبا في هذا الشهر بالتاكيد

      حذف
  2. اه التخصصات المطلوبه لحربيه السنادى يا فاندم
    وهل فعلا بيتم ابلاغ المجندين فى الجيش بالتخصصات المطلوبه قبل ما يتم الاعلان عنها...شكرا

    ردحذف
  3. هو ينفع التقديم للناس اللي طولهم اقل من ١٧٠

    ردحذف
    الردود
    1. جوية فقط بس لخريجين الثانويه العامة مش للجامعيين

      حذف
  4. انا خلصت خدمه ضابط احتياط وعديت 26 سنه وفي الشروط بيقول لا يتعدي 26 ينفع اقدم ولا لا

    ردحذف
    الردود
    1. دي شروط عام 2015 ممكن تختلف العام دا انت ونصيبك

      حذف
    2. هوه يوم سحب الملف امته

      حذف
  5. لو سمحتم عايزه اعرف ميعاد التقديم ومكان سحب الملف بالنسبه للصيادله اناث

    ردحذف
  6. طيب أنا خريج 2016 ليسانس إنجليزي قسم الترجمة وآخر السنة دي هبقى 27 سنة بالضبط .. ينفع أقدم ولا لحد 26 سنة زي ما بيقولوا ؟ أرجو الرد من حضراتكم سريعًا عشان لو ينفع ألحق أحضر الأوراق المطلوبة.

    ردحذف
  7. طيب أنا خريج 2016 ليسانس إنجليزي قسم الترجمة وآخر السنة دي هبقى 27 سنة بالضبط .. ينفع أقدم ولا لحد 26 سنة زي ما بيقولوا ؟ أرجو الرد من حضراتكم سريعًا عشان لو ينفع ألحق أحضر الأوراق المطلوبة. حلم حياتي أدخل الكلية الحربية.

    ردحذف
  8. يعني ايه اللي اقل من 170و 60% ؟؟ اللي طوله168ومجموعه 62ونص%بس مقبول ينفع يقدم متخصصين؟؟

    ردحذف
  9. انا من الصعيد
    وحابب اعرف هروح الكليه الحربيه اذاى
    انا هنزل فى رمسيس
    شكرا لاهتمامكم

    ردحذف
  10. لو سمحت عوزه اعرف الدخول لسحب الملف للكليه الحربيه من اى بوابه

    ردحذف
  11. انا بالنسبه ليا انا عندى تقوس بسيط فى رجلى هل ينفع ولا اعمل ايه

    ردحذف
  12. انا خريج 2017 بالتسبه للمتخصصين وعندى تقوس بسيط فدراعى ينفع اقدم ؟؟

    ردحذف
  13. انا خريج تربيه تكنولوجيا ونظم المعلومات ينعه اقدم

    ردحذف
  14. انا خريج تربيه تكنولوجيا ونظم المعلومات ينفع اقدم

    ردحذف
  15. عاوز افتح الاكونت عشان اسجل الكترونى بيظهر لا يحق لك الدخول على المنظومه يعنى ايه الكلام دا وايه الحل ليه لوسمحت ارجو الرد بسرعة

    ردحذف
  16. انا ضابط احتياط اروح بالبدله يوم التسليم ولا مش لازم

    ردحذف
  17. المحاسبين مسموح لهم الكشف بالنضاره ولا لاء
    والحد الادني للنظر المطلوب لمتخصصين كام

    ردحذف
  18. طيب والي هيقدم معهد فني للقوات المسلحه بيسحب الملف من الكليه الحربيه بردو يا فندم ولا ايه

    ردحذف
  19. اخد ورق أى لو سمحت ف اول يوم وانا راحه اسحب الملف

    ردحذف
  20. لو سمحت هو ف سحب ملفات ف العام الحالي 2018 ولا لسه لم يتم الاعلان عنها

    ردحذف
  21. حضرتكم أيها الضباط من الممكن أن طالب الدبلوم يلتحق بالكليه الحربيه

    ردحذف
  22. أبني اخد الملف يوم 7يوليو ولسه ماسلمهوش عادي ولا فيه مشكله

    ردحذف
  23. راتب المتخرج. من اكاديميه حربيه ملازم اول كم

    ردحذف
  24. عاوز افتح الاكونت عشان اسجل الكترونى بيظهر لا يحق لك الدخول على المنظومه يعنى ايه الكلام دا وايه الحل ليه لوسمحت ارجو الرد بسرعة

    ردحذف
  25. فى حالة ضياع بطاقة التردد ما الحل علما بانه المفروض يكشف اليوم التانى بالكشف الطبى

    ردحذف
  26. هل لو ولدي مش متعلم وامي مش متعلمه ماينفعش اقدم؟

    ردحذف
  27. هو التقديم امتي وانا لسه داخل الجيش هعرف ازاي

    ردحذف
  28. عاوز اسئله السمات لو سمحت

    ردحذف
  29. بالنسبة للشاب الذي يعاني من الجيوب الانفية المزمنة
    ولكم جزيل الشكر

    ردحذف

إرسال تعليق