الكلية الحربية - شرح يوم سحب الملف ويوم التسليم بالتفصيل




اولا : سحب الملف

اولا : الملف بيتسحب بالبطاقه - ثمن الملف 200 ج - بوابة سحب الملف بوابه رقم 3
ثانيا : تلبس لبس محترم وتكون حالق شعرك ودقنك عشان يبقا منظرك حلوا ف الصور ال هتتصورها
ثالثا : المواصلات

محافظات وجه بحري :
1 : ال هيركب عربيه ينزل عند الدائري هيلاقي عربيات بتحمل حربيه من هناك
2 : ال هيركب قطر ينزل رمسيس هيعدي الجمب التاني عند جامع الفتح هتلاقي عربيات بتحمل حربيه

محافظات وجه قبلي :

هتنزل رمسيس وهتركب من عند جامع الفتح الكليه الحربيه
رابعا : ال هيحصل بالظبط ف يوم سحب الملف

هتدخل من بوابه رقم 3 وهي بوابة مكتب التنسيق يكون معاك البطاقه عشان مش هتدخل غير بيها ومش هتسحب الملف الا بيها

- طب ممكن حد يسحب الملف مكاني ؟؟
لا مش ممكن لازم حضرتك تسحبه بنفسك

اول ما هتدخل هتقف ف طابور الاول لو العدد كبير ف اليوم دا هتلاقي ع اليمين كراسي هيكون قاعد عليها زمايلك ال جاين يسحبوا الملف زيك .
هيكون فيه حوالي 3 منافذ لبيع الملفات واحد للدبلومات وواحد للعلمي وواحد للادبي
هيكون ف ظباط وعساكر واقفين تسمع الكلام وتقول حاضر يا فندم متتكلمش مع حد وبلاش مشاكل اقلها هيقلك اتفضل روح 
 هتدخل تسحب الملف من احد المنافذ ع حسب شهادتك هتديله البطاقه وال 200 ج ثمن الملف وبعد كدا هتقيس طول ووزن .

- طب لو طولي اقل من 170 / وهل الوزن مهم جدا ف سحب الملف ؟؟
لو طولك اقل من 170 سم هتتحول جويه / الوزن مش مهم ف سحب الملف بس بيبقا ليه دور ف قبول الملف بس الاهم طبعا ف الطبي

- طب لو مجموعي اقل من 70% ؟؟
هتتحول جويه بدون نقاش

بعد ما بتقيس طول ووزن هتروح ف مكان جوه هتتصور فيه هتقف وقفه عسكريه وهيكون جنبك مسطره بتحدد طولك وهتتصور وانت واقف جنبها

- طب الصور دي هنعمل بيها ايه ؟؟
الصور دي هتدبسها ف الملف والباقي يفضل معاك طول الاختبارات 

 بعد ما بتتصور بتطلع فوق ف قاعه كبيره هتقعد فيها بيجيلك ظابط بيشرحلك ازاي هتملي الملف ع شاشة عرض كبيره تكون مركز معاه وتراجع ملفاتك ورقه ورقه عشان لو ف ورقه ناقصه تاخدها معاك قبل ما تتطلع
بعد القاعه هتخرج بره تاخد الصور بتعتك ال انت اتصورتها وبعد كدا تروح وكدا اليوم دا خلص


ملحوظة :
الملف بيبقا مكتوب عليه معاد المعاد دا مينفعش تسلم ملفك قبليه بس ينفع بعديه ف اي وقت
مثال : المعاد ال مكتوب ع الملف ولنفرض 2/9/2017
يبقا ممنوع منعا بتاآ تقدم ملفك قبل يوم 2 بس مسموح ليك تقدم ملفك ف اي يوم بعد يوم 2
 
 ملحوظة :
اتاكد قبل ما تخرج ان معاك كل الاوراق الخاصة بالملف زي الصور
ثانيا : يوم تسليم الملف

بيكون تقديم الملف فى بوابة الاستاد بتاع الكلية الحربية وهناك بيقسموكم على حسب المجموع فى الثانوية العامة والثانويه الازهريه لان الثانويه الازهريه بتعمل معادله هناك
وبيقيس الطول والوزن علشان تعرف و تحاول تظبط الطول مع الوزن واللى طوله اقل من 170 بيحول الى
لجنة الجوية هو واللى جايب اقل من 70% وبتمتحن اول امتحان امتحان القدرات ودة عبارة عن 25 سؤال
بتجواب عنهم فى 10 دقائق فقط وبتكون اسئلة عن التاريخ والعلوم والجغرافيا واسئلة شخصية وبعد ما بتمتحن وبيقولك على ميعاد النتيجة
- إختبار السمات الشخصية
  1. يهدف إختبار السمات الشخصية إلى الوقوف علي قدرة الطالب على التكيف مع الحياة العسكرية وأن رغبته هذه ليست نتيجة ضغوط معينة بالإضافة إلى قياس تناسب شخصية الطالب مع متطلبات الحياة العسكرية وكيفية التصرف في المواقف المختلفة
  2. يتم إختبار الطالب في نفس يوم تقديمه طلب الإلتحاق على أن يكون مع الطالب الأدوات الكتابية للإختبار
  3. تعلن نتيجة هذا الإختبار بمقر مكتب التنسيق وعلى الطالب معرفة توقيت الكشف الطبي الموضح أعلى الكشف المدون به إسمه حيث أن توقيتات الكشف الطبي ليست واحدة لجميع الطلبة .
  4. قبول الملف بيعتمد علي هيئته وليست علي اختبار السمات

37 تعليقات

  1. لو سكحت لو الطول 190 والوزن 63 هل دة يقبل ولا ميقدمش احسن

    ردحذف
    الردود
    1. في ايدة يخس عشان يكون جسمة متناسق يعني لو طولة 190 يبقي وزنة في حدود 80/90

      حذف
  2. ال 100 سؤال دول عباره عن ايه يعني ساهلين ولا صاعبين

    ردحذف
    الردود
    1. دلوقت بقيت 25 سؤال فقط عبارة عن اسئلة رياضه ومعلومات عامة وذكاء واسالة شخصية

      حذف
  3. لو سمحت هيا التقديمات لسه موجوده ولا خلص قفلت ارجوه الررد سريعا علشان انا خلاص عايز اقدم

    ردحذف
  4. فى تقديم فى الكليه للبنات

    ردحذف
  5. اخر يوم لسحب ملف حربيه وقتيه لو سمحت

    ردحذف
  6. لو سمحت ازاي الملف بيتقبل بهيئته مش بأختبار السمات ؟؟؟؟واخر معاد سحب الملفات امتى

    ردحذف
  7. هل ينفع اجيب الملف من القاعدة العسكرية في منقباد ؟

    ردحذف
  8. هل الحربيه تقبل التقديم للفتيات

    ردحذف
  9. لو سمحت انا طولي 168 و وزني 80 كيلو ينفع اقدم حتا لو جويه

    ردحذف
  10. هو ينفع اسحب الملف بكره ولو نفع هسلموا امتى

    ردحذف
  11. طيب انا دلوقتي جبت الملف بس القيد هيطول شويه ازي اسجل علي النيت والقيد مش معيا

    ردحذف
    الردود
    1. سجل عادي وهتكتب اقرار انك تجيبة وانت بتسلم الملف

      حذف
    2. انا جيبت وصل بي القيد ينفع

      حذف
    3. لا طبعا لازم تعذر من العباسية لو معرفتش تعمل قيد للجدين فقط

      حذف
  12. ينفع ابقى ظابط متخصص من جامعة خاصة (6 اكتوبر )

    ردحذف
  13. هو في تقديم للبنات في كلية الحربية و لو متخرجة من كلية تانية بقدم تخصص و لازم اكون في جامعة حكومية مينفعش اكاديمية

    ردحذف
  14. ابني قدم 22 أغسطس ولسه ماجالهوش اي معاد للاختبارات فهل لسه في وقت وننتظر نتيجه السمات ولا مفيش نصيب

    ردحذف
    الردود
    1. الكلية عليها ضغط ولسه فيه ناس بيجيلها رسائل

      حذف
  15. انا قدمت السنه اللي فاتت وطلعوني (دوالي).. وبعدها عملت العمليه جراحه.. لو قدمت السنه اللي بعديها هيقبلوني؟؟

    ردحذف
  16. أين يتم عمل شهاده المعادله للتقديم فى الكليه الحربيه من فضلك

    ردحذف
  17. هل لازم واسطه للتقديم ولا لا ولو رسبت ظلم في اختبار ينفع تعمل تظلم

    ردحذف
  18. هو سحب الملف هيبدا امتى

    ردحذف
  19. لو سمحت هو ينفع اليوم دا نروح بالموبايل ولا

    ردحذف
  20. طيب لو الطول183 و الوزن 91 كويس ولا لازم يخس كام كيلو

    ردحذف
  21. طيب لو سمحت انا لو مجموعي مجبش ممكن اخش اسحب الملف وممكن اتقبل بعد كده ولا مع العلم انا دبلوم صنايع وجايب 70%

    ردحذف
  22. لو سمحت هو لو طولي 185 ووزني 65 ينفع ولا لا

    ردحذف

إرسال تعليق