كلية الشرطة - إختبار المقاس والقوام شرح مفصل



إختبار المقاس والقوام :
 
 المطلوب:
  1. كارت التردد 
  2. صورتين ٤*٦ 
  3. قلم جاف 
  4. البطاقه
الشرح
اولاً : طبعاً يا رجاله ده تانى اختبار بعد القدرات وبيتحددلك ميعاده على النت من خلال موقع الوزاره إذا كنت لائق فى اختبار القدرات .

 ثانيا: بتدخل من البوابه بالبطاقه وكارت التردد وأول ما هتدخل هتلاقى عساكر قولهم إنه تانى اختبار ليك وعندك مقاس وقوام لإنك هتلاقى صفوف واقفه ، صف لسحب الملف وصف للمقاس والقوام وصف للطبى وهكذا تقف مع المقاس والقوام وهيجى طالب ياخدكم مجموعات بردوا وبعدين بتتقسموا لجان .

ثالثا: هتطلع لجنتك وهيبقى معاك طالب دايما هيديك ورقتين هتملأهم فيها بياناتك انت وقرايبك وهتدبس الصورتين ف الورقتين هو بيفهمك

 رابعا: بتروح أول حاجه ع الطول باللجان وده عباره عن إيه ؟ بيبقى جهاز لقياس الطول بتقف عليه من غير كوتشى وبهدومك عادى وبيبقى مسكك ظابط او شخص عموما اللى بيقيسلك طولك وبيقوله للظابط اللى قاعد بيكتب بصوت عالى ع سبيل المثال ١٧٥ ،١٨٥ وهكذا ولو أقل من ١٧٠ بيقول تحت الطول وطبعاً الطول المطلوب من ١٧٠+ يعنى ١٦٩ هتكون غير لائق وبتعرف فى ساعتها وتقريباً هيقولك إلعب عقله وتعالى كمان أسبوع تانى .
خامسا: بعد ما بتخلص القوام بتنزل تستنى فى المدرجات اللى امتحنت فيها القدرات لحد ما الكل يخلص وينزل وبعدين ياخدوا لجنه لجنه تطلع على الوزن طيب الوزن عباره عن ايه ؟ بتخلع هدومك وبتطلع عالميزان بتوزن وبيطلع منه ورقه من غير ما بتشوفها بتديها للظابط وبيدبسها ف الورقتين اللى انت ملأتهم واللى دبست فيهم الصورتين وبعد كده بتخرج تغير هدومك وبتروح بيتك تستنى النتيجه على النت . 

سادسا: طبعاً انت بتبقى عارف نتيجه القوام وبيبقى على النت مكتوبلك لائق أول ما بتروح إذا كان طولك ١٧٠+ بس قدام المقاس بيبقى فراغ وده اللى بتستنى نتيجته بعدها بيوم او بيومين . 

وبالتوفيق يارجاله

17 تعليقات

  1. طيب انا كان المفروض انى اجى المقاس والقوامد دة يوم 31 ومكنتش اعرف اية العمل دلؤت

    ردحذف
  2. معذرة للاسف في حالة ضياع ورقة الباركود وابتي بطاقة التردد علي كلية الشرطة وعليه اختبار طبي يوم 25/9/2017 اخليه يروح الاختبار ولا للاسف فرصته ضاعت ارجو من سيادتك الرد لو تسمح

    ردحذف
    الردود
    1. لا طبعا يروح ويشرح موقفه هناك وهو ونصيبة بالتوفيق

      حذف
  3. طيب هو مفيش قياص عرض الصدر ولا ده يوم تانى ؟؟؟

    ردحذف
  4. مصطفى السيد محمد13 فبراير 2018 في 12:09 م

    بالنسبه حضرتك انا معادى فى امتحان المقاس والقوام انهارده ١٣/٢/٢٠١٨
    ومعرفتش غير دلؤتى تروح تانى يوم عادى
    يا ريت الرد من حضرتك ضرورى

    ردحذف
  5. انت بتهري لان متخصصين شرذة من 165 سم

    ردحذف
    الردود
    1. طيب سبنالك المفهومية يا سيدي وبدل ما تتقطم علينا روح ساعد غيرك

      حذف
  6. السلام عليكم انا 182 الطول
    والوزن 73 كده تمام ولا ايه

    ردحذف
  7. لو سمحت انا اختبرت المقاس والقوام ولسه ما ظهرش حتي ليا القوام ع النت ده عادي

    ردحذف
  8. النتيجة لائق في المقاس والقوام بس متحددش يوم اروح فية اعمل اية

    ردحذف
  9. في حاله التخلف عن ميعاد الاختبار التالي لاختبار السمات ما الحل
    برجاء الافادة

    ردحذف
  10. انا جالي المقاس لائق وقدام القوام فارغ هبقي لائق وهيجيلي الاختبار الثالث ولا غير لائق

    ردحذف
  11. انا سقت وزن اعمل اية وكم يوم سماح وادخول اعادة الوزن

    ردحذف
  12. الصفحه الرئيسية للشرطة مكنتش بتفتح وفتحت والمعاد فات اعمل ايه ارجو الرد السريع

    ردحذف
  13. القوام غير لائق أعمل أية

    ردحذف

إرسال تعليق