اكتر من 30 سؤال وإجابة بتدور في عقل اي حد عن طبي شرطه - حربيه القسم الخاص.



أقل طول ايه؟ 
لو بتقدم حربيه أقل طول للذكور 170. 
الإناث 155

لو بتقدم شرطه أقل طول ذكور 170. 
إناث 160

الوزن المطلوب؟
حربيه وزنك = طولك - 100 
الزيادة المسموح بيها 5 كيلو فوق وزنك و 5 تحت.

شرطة وزنك = طولك - 90.
طيب لو طلع وزني كبير أو قليل عن طولي؟ 
بتعرض ع مستشار بيقرر انك مناسب سواء كانت الزايدة عضل أو دهون.

النظر كام؟ 
6/6 أو 9/6.

انا لابس نظاره أنفع؟ 😯
ليك شرطه بس إنما حربيه بتسمح ببعض الكليات فقط كل سنه.

لو عامل ليزك؟ 😊 
ليك شرطه فقط وحربيه لا.

لو الدغ في بعض الحروف؟ 
بتأثر عليك خصوصا مدققين عليها آخر سنين ف التقديم هيقولك قول كدا. 
جرار - أمير - 44 - 66 - بسبوسه - سمسم.

طيب حب الشباب يطلع؟ 
اه.

آثار الحروق؟ 
اه حسب درجاتها.

آثار الخياطة؟ 
اه الا لو كانت في أماكن مش باينه خالص.

عرق الايدين؟ 
اه بيطلع اساسي.

آثار عمليات الجراحة؟ 
لو مش مؤثرة عليك هسالك عامل عمليه ايه وأمته؟ وهيقرر ساعتها.

طيب ايه الي بيطلع عظام؟ 
دا بعبع الكشف. 
الي بيطلع تقوس اليد - الرجل - الفلات فوت - متعرفش تلعب عقله - متعرفش تربع - متعرفش تمشي على صوابع رجلك ورجلك مرفوعة - متعرفش تمد ايدك لحد ركبتك.

طيب تسوس الأسنان؟ 
ميكونش كتير والا هيقولك نضف وتعالى.

عدم تطابق الفكين؟ 
بيطلع.

تركيب الأسنان والطربوش؟ 
بتبقى حسب الطقم الطبي صراحه على أيامي كانوا بيسمحوا بيه.

طيب الزايدة؟ 
عادي للمتخصصين.

طيب كشف قاع العين؟ 
بتقعد ع جهاز بيحط ليك قطره اتروبين. 
في حربيه اي ليزك - تراب في عينك - ضعف شبكه - ضعف عصب بتطلع.

شرطه الكشف سهل وتكشف بنظاره أو بليزك عادي.
طيب ترهلات الصدر؟ 
هتطلعك حتى لو كان وزنك مظبوط.

طيب كشف الجلدية إناث؟ 
عموما في شرطه بيدققوا ع اتفه اتفه الأشياء فيه ناس بتطلع لأسباب تافهه يعني لما تروحي كشف تأكدي مفيش ف جسمك حبايه حتى من أثر اي شي.

طيب البواسير؟ 
الدرجه الثانيه والثالثه.

الدوالي؟ 
الخصية إلى مبتطلعش الدرجه الاولى الباقي بيطلع.

ولو عامل عملية؟ 
بيقرر حسب انها مش هتبقى مؤثرة وله لا.

آثار تعويرات أو كدمات؟ 
لو في الوش أو في الايد هتكتب ملاحظة عليك بس مش هتطلع.

طيب انيميا الدم؟ 
بتطلع.

انيميا الفول؟ 
بتطلع.

المخدرات؟ 
بتطلع.

الفيروسات؟ 
بتطلع.

اعمل ايه قبل التحاليل؟ 
حاول متخدش اي حاجه كيميائيه قبل الكشف ب 48 ساعه.

طيب حصوات الكلي؟ 
بتطلع ولازم تعالجها.

التحاليل إلى بتتعمل ايه؟ 
بول ودم.

عمي الألوان؟ 
بيطلع لأنك لازم تقرا الرقمين إلى على الورقه.

ضربات القلب؟ 
لو سريعه هيخليك تعمل التماس وتنجح أهم حاجة تبقى هادي في الكشف خالص.

طيب لو عندي حاجة من دول اعمل ايه؟ 
هحاول الأول تعالج المشكلة عن طريق تروح لدكتور عسكري. 
بكررها يكون عسكري لأنه عارف المعايير ايه لو روحت لدكتور برا هيقولك انت سليم لانة مش دارس المعايير إلى على أساسها بتقبل.

طيب لو ف الكشف وقعت في حاجه اعمل اي؟ 
هتعمل التماس وساعتها بتتعرض من رتبه أكبر لواء طبيب في نفس التخصص إلى وقعت فيه.

احتمال النجاح كام؟ 
80% بتنجح لو حربيه. 
شرطة مهما تعمل هتنزل تاني الا نسبه قليله جداا.

طيب أنهى أسهل ف الكشف؟ 
حربيه مش بيدققوا زي شرطه خصوصا عاوزين بس تبقى جسم متناسق بتعرف تجري، ضربات قلبك سليمة، تحاليل سليمه بتشوف لمدة قدام 25 سنه.

دا معظم الحاجات الي بتدور في أذهان الناس ولو نقصت حاجه سبوها في كومنت.

19 تعليقات

  1. كشف شرطه ايه اللي تدخل وانت عامل الليزك

    ردحذف
  2. لو سمحت انا هندسه خاص بس معتمده ينفع اقدم حربيه او شرطه ظباط متخصصين

    ردحذف
  3. من فضلك ضروري جداً !
    دوالي الرجل بتطلع حربية ؟ يعني لو بنوتة مقدمة حربية كضابط متخصص تطلعها ؟

    ردحذف
  4. لو سمحت التقدير العام بالنسبه للأطباء ف الحربية والشرطه
    يعني اللي مثلا جايب مقبول يحاول ولا لأ ؟

    ردحذف
  5. انا متعور ف راسى وخياطة ....مش واضحة من الشعر تتطلعنى من الاختبارات.

    ردحذف
  6. لو سمحت انا عندي خصيا واحدة عيب خلقي دا يطلعني في الكشف الطبي

    ردحذف
  7. طيب انا عندي عمي الوان بس مش قوي بقرأ ارقام واضحه وارقام لا

    ردحذف
  8. اثر حب الشباب بالضهر خفيف مش كتير لان بعالجه

    ردحذف
  9. لو سمحت انا الحمد لله سليم في كل ده بس عندي مشكله في الاسنان حاشي حشو عصب وخالع درس واللدغه في حرف ال (ر) بس مش بينه اووووي اطلع في الكشف الطبيبي ارجو الرد مهم جدا

    ردحذف
  10. طب اثر عمليه قديم في الفخذ حجم طول الخياطه كبير بطول الفخذ ينفع

    ردحذف
  11. نظري ضعيف بس مش اوي لو هقدم شرطه ظباط متخصصين عادي اعمل اختبار النظر بالنضاره؟ وجربت اختبار عمي الالوان عملته صح كله وده بالنسبه لبنت.

    ردحذف
  12. انا وزني 84وطولي 160والتقدير مقبول وعايزه اقدم شرطه ينفع

    ردحذف

إرسال تعليق