الكلية الحربية - معلومات مهمه لتقديم الذكور للكليه الحربية


شوية معلومات لازم يكون عندك خلفيه عنها

1 : التأخر ملهوش لازمه ف سحب الملف

عاوزين تتاخرروا ؟ اتاخروا ف تسليم الملف

ايه المطلوب لسحب الملف ؟! ولازم اكون حالق شعر ودقن ؟!

 
اولا : هتسحب الملف بالبطاقه فقط والملف ب 100 جندي

ثانيا : مش لازم بس الافضل تكون حالق لانك هتتصور والصور هتدبس ف الملف ( خفف ) وممكن لو لقي شعرك طويل او دقنك طويل هيتنك عليك ويقلك دا منظر واحد عاوز يعيش الحياه العسكريه


ايه ال هيتم ف يوم سحب الملف ؟! ذكور

بالنسبه للذكور : هتروح بدري وتكون هناك الساعه 6 او 7 بالكتير عشان تنجز وتخلص بدري وتكون حالق وظابط حالك ولابس لبس كويس ومحترم وممكن تاخد الفون معاك عادي هتدخل من بوابه رقم اربعه هيشوف بطاقتك وانت داخل ع البوابه بعد كدا هتدخل هتقعد ع كراسي تخت مظله ع حسب تخصصك والضابط بيشرح الاعلان وبيقول ع التخصصات المطلوبه بحيث لو تخصصك مش مطلوب متسحبش وتخسر نفسك بعد كدا هتتوجه ع منافذ بيع الملف هتديله بطاقتك وال 100 ج وبعد كدا هتتوزن وهيقيس طولك بعد كدا هتروح تتصور وبعد ما تتصور هتدخل قاعه الضابط هيشرحلك ملئ الملف ف انت تكون مركز وتراجع ملفك ورقه ورقه عشان سعات بيكون ناقص ولو لقيت ورقه ناقصه هتلاقي ف عسكري قاعد هتاخد منه الورقه الناقصه بعد كدا هتستلم صورك ومع السلامه تروح

سحبت الملف واتصورت وروحت هتعمل الاتي :

اولا : ف نفس اليوم تصور الملف صوره وتملاها وبعد ما تتاكد ان كل حاجه تمام تنقل كل ال عملته ف الملف الاصلي بس بلاش ذكاوه وحياه اهلك وتاخد الصوره وتروح تختمها من الكليه او من شغل والدك والكلام دا ال هتعمله بس هتكتب البيانات ف الصوره وتنقلها ف الاصل


اي ختم تختمه لازم يكون واضح عشان الظابط ميرجعكش تختمه تاني

السن بتاعك هتحسبه لغاية 1/1/2018

الورق يدبس مش يتلزق والصور ال اتصورتها ف الكليه هتدبسها ف مكانها ف الملف وال يفضل تحتفظ بيها معاك طول الوقت

ف بيانات للثانوي ف الملف املاها ولا ؟!

لا متملاهاش سبها فاضيه تملي ال تبع الكليه ولو حد كتب فيهم حاجه عادي مش مشكله ولو عاوز تملاهم بردو

ودا من وجهة نظري والله اعلم يكون افضل وياه بقا لو تدبس شهادة الثانويه بس خليك ف المضمون وسبهم فاضين

املي بيانات اخر ثلاث ورقات ؟!

اه تملاهم ما عدا ورقة مكتب التنسيق ال بالصفر ف اول الملف

- لو ف بيانات الاعمام الاخوال الخانات مش مكفيه اعمل ايه ؟!

هتجيب ورقه خارجيه وهتسطرها زي ال ف الملف وتكتب فيها الزياده وتدبسها ف الورقه ال ف الملف

- لو غلط ف حاجه ف الملف اعمل ايه مع انهم قايلين بلاش شطب ؟!

قدامك حلين :

الاول : لو الغلطه كبيره هتشيل الورقه دي من الملف وتروح تقلهم عندي ورقه ناقصه وتاخدها

الثاني : تاخد شرطه صغيره ع الغلط وتكتب الصح جنبها او فوقيها ومتقلقش

بالنسبه للاتنين الشهود اجبهم منين ؟؟

اي اتنين موظفين ف اي مصلحه حكوميه ( مدرسه - معهد - كليه - اي اداره حكوميه) يمضوا والمدير يمضي ف خانة الشاهد التالت ويختم بختم شعار الجمهوريه

وتتاكد من انهم كتبوا ارقام بطايقهم

بالنسبه لصفحه رقم 4 بند رقم 2 الخاص بالجواز مكتوب فيه الا يكون الطالب متجوز... الخ همضي ووالدي يمضي بردو ؟!

انت ملكش دعوه بالبند دا بمعني مش هيطبق عليك وعادي ينفع التقديم للمتزوجين وغيرك كتير مضي وكان متجوز واتقبل ودا خاص لثانوي بس لازم تمضي انت ووالدك

بالنسبه للملف الالكتروني :
اولا : موقع الملف هتلاقيه موجود ف الملف الورقي او هتدخل ع موقع الكليه الحربيه هتلاقي ع الشمال مكتوب المنظومه الالكترونيه هتدخل عليها هيظهرلك مربعين كما هو بالشكل 👇



هتدخل ع المربع ال ع اليمين ملكش دعوه بال ع الشمال
هتسجل بياناتك ويفضل تكون ف سيبر او ف مكان ف مطبعه عشان تطبعه

ملحوظه : حاول تملي الملف قبل ما تنوي انك تسلمه بيومين دا الافضل

19 تعليقات

  1. بالنسبة للموقف من التجنيد انا متخلف دفعه اكتب ايه او اجيب ورق ايه

    ردحذف
  2. لو سمحت انا ف مشكله عندي خالي اسمه كمال محمد شعبان عبد الرازق وده اسم غلط لكن الصح محمد محمد شعبان أحمد عبد الرازق وف واحد ف السجل قالي بدال أحمد وعبد الرازق موجودين ف والدتك وجدك عادي مفيش مشكله وخد الورق مني وهيطلع القيد عليه دلوقتي هو لو طلع هيبقى فيه مشكله ولا انا كده ماشي سليم

    ردحذف
    الردود
    1. لا يا ريس دا اسمة تزوير في اوراق رسمية لازم تعمل تحريات في النيابة وتطلع القيد بالاسماء الصح وتصصح كل الاسماء الغلط منعا لاي مشاكل في تقديمك

      حذف
  3. ي كبير ده هو هيتكتب ذي ما هو ف البطايق لأنه اسم قبل اللقب
    طب دلوقتي لو عملت تعذر ده بياثر ف حاجه

    ردحذف
  4. لو سمحت لو في أحد الوالدين حامل جنسية اي دوله عربية تانية زي فلسطين هينفع اقدم ولا بلاش

    ردحذف
  5. أزال المؤلف هذا التعليق.

    ردحذف
  6. انا ثانوى سعودى وهيحتاج المجموع من كام وامته هيفتح التسجيل وامته هيقفل

    ردحذف
  7. لو سمحت انا طالب ثانويه عامه دفعه 2017 وجايب 62% ليا ان التحق بالكلية الحربية

    ردحذف
  8. لو سمحت انا طالب ف كليه حقوق سنة تانية ينفع اقدم حربيةولا لا وانا عندى 22 سنة وكنت عايز اعرف لازم اسحب الملف بتاعى من الكلية قبل ما اتقبل ولا لا ولو سحبته ومتقبلتش ينفع ارجعه كليتى والطول المطلوب اج ايه وهيا فين اصلا الكليه دى ف اسكندرية

    ردحذف
  9. لو سمحت انا دفعة ثانوية عامة عام 2015 وكنت جايب 60 ف الميه ممكن اتقبل ف حربية ولا لا

    ردحذف
  10. طب لو سمحت انا خالي معاه الجنسيه السنغافوريه ومتنازل عن المصريه ينفع ادخل ولا لا

    ردحذف
  11. اخر ميعاد لسحب الملف امتي

    ردحذف
  12. تسليم ملف المرحلة الاولى بوابة كام

    ردحذف
  13. هوه لزم من السنو عادي لو دبلوم وله اي

    ردحذف

إرسال تعليق