الكلية الحربية - شرح مفصل لكل ما يحدث يوم استلام المهمات

 
 
اليوم بتاع استلام المهمات
بصو مبدئيا قبل اى حاجه ونصيحه منى
1- لازم تكون نايم كويس وتفطرو قبل ماتنزلو علشان الحقن اللى هتاخدها هتدوخك وف ناس اغمى عليها ما استحملوهاش لان الحقنه دى بتهيج البكتيريا اللى جواك وف ناس المناعه بتاعتهم مش بتستحمل ف بتأثر عليهم بشكل ملحوظ
2- ماتحاولش تحتك بأى طالب من طلاب سنه 4 و 3 علشان ماتحطش نفسك ف موقف محرج .. مع العلم ان فيه طلاب جدعه اووى وبتهزر
3- احلق شعرك ودقنك علشان ماتسمعش تهزيء سواء من الطلاب او من الظباط ف أمن نفسك
4- لازم يكون عندك صبر لان لو ما صبرتش ع حاجة الاف من الطلاب كانو عايزين يبقو مكانك ف الكليه دى هتصبر ع ايه !! ف لو فضلت واقف كتير ف الشمس استحمل انت طالب حربيه
نيجى بقى لليوم
اول حاجه انت هتروح تسلم الموبايلات ف الامانات نفس امانات الطبى و هتدخل من بوابه التنسيق بوابه 3 هتروح ع البصمه وتديلهم الفلوس وهتاخد ايصال بالمصروفات حافظ عليه علشان هتحتاجو الوصل دا هتروح لعريف سنه 4 هيشوف انت فرقتك كام وهيقولك تقف فيها وهيديك رقم عسكرى ورقم التسلسل بتاعك ف الكشف ودول تحفظهم زى اسمك وبعد كده هتفضلو واقفين لحد ما الاعداد بتاعه فرقتك تكمل وممكن ناس تيجى تتأخر ف اخر اليوم وهتفضل واقف مستنيهم بردو عقبال ما يخلصو فلازم يكون عندك صبر ..
الطلبه هتقولكم ع رقم الكتيبه ورقم السريه وبعد كده هتروح ع ظابط يأكد حضورك وبعد كده هيجى العريف هيسألكو ع مقاس الجزمه بتاعتكو ويكتبها وبعد كده هتتفتشو ف محدش ياخد "هاندفرى- شاحن- فوار-او اى علاج او اى الكترونيات "
بعد كده هياخدكو العريف هتروحو تاخدو 3 حقن ف الايد اليمين و 3 حقن ف الايد الشمال وزى ماقولت لازم تكون نايم كويس علشان ما تدوخش .. وبعد كده هياخدكو تروحو تستلمو الشنطة و مخله صغيرة فيها الترنج بتاع الكليه وتشرتات وغيرات داخليه وبعد كده هتروحو للعنبر بتاعكو هتحطو الشنطة والمخله الصغيرة ف الدولاب وهتلاقى قفل ف الشنطه اللى هتاخدها هتفتحها وتطلعو منها وتقفل ع الدولاب بتاعك وبعد كده هتروحو تتغدو وبعد كده هتروحو تستلمو المخله الكبيره ودى تقيله اووووى ف هتتعب فيها شويه 
المهم دى فيها " البياده والجزمه السودا والكوتشى و شربات وطقم الكارتيه وبناطيل و الكاب و البدله .... وهكذا
بعد ماتخلص هتقف بره هيجى ظابط يتمم ع الحاجات بتاعتكو واللى ناقصو حاجه هيجبهاله وبعد كده هتروح تانى للعنبر بتاعك هتحط المخله وهتطلع منها بنطلون فيها شريط اصفر وبنطلون ساده هيقولولكو خليهم لوحدهم علشان هتوديهم للترزى يظبطهم وبعد كده بتطلع كل حاجه من الشنطه بتاعتك وتاخد بس ال ترنج و تيشرت والشرابات والكوتشى والساعه ودول اللى هتيجى بيهم يوم الاتنين ان شاء الله مع العلم انك هتكون حالق زيرو وبعد كده هتروحو للترزى وهياخد المقاسات بتاعتكو وهتكتبو اسمائكم ع البناطيل وبعد كده تطلعو هيوزعو عليكو شريط كده فيه رقمك العسكرى انت هتقطع الارقام دى وتخيطها ف اى حاجه هما ميدهالك " شربات - تيشرتات وهكذا " وبعد كده هتروح للظابط هيديكو ورقه ووثيقه و 4 دعوات للزيارات ودى للاهل بس " ..
الحاجات اللى هيطلبها ف اليوم دا علشان تجيبها يوم السبت او اليوم الي هتروح تسلم نفسك فيه
  1. بطاقه شخصيه
  2. 5 صور ضوئيه من البطاقه الشخصيه
  3. 20 صوره 2 ف 3 وانت لابس الترنج
  4. 3 اصل شهادة الميلاد
  5. 5 فايل شفاف
  6. فايل بكبسولة
والورقه اللى هتاخدها وتصورها مرتين كده هيبقى معاك 3 واحده اصل و صورتين هتدبس ف كل ورقه صوره وتكتب عليها من فوق رقمك العسكرى ورقم فرقتك و رقم التسلسل بتاعك
ف الوثيقه هتبصم فيها من اى مكتبه بالبصامه
وبعد كده هتشيل شنطتك وتروح
اعمل حسابك انت هتقعد وقت كبير ف الكليه يعنى هتخرج ع الساعه 6 او 7
ويارب اكون عرفت افيدكم
حاول تراجع علب شنطتك قبل متمشي عشان ساعات بتتلخبط مع زمايلك وفيها تسويحه

كتابة تعليق