شرح مفصل لاستخراج القيد العائلي وبعض النصائح الواجب مراعاتها


القيد العائلي....
الكل يركز معايا لو فهمت الكلمتين دول كويس مش هتحتاج لسؤال ف القيد بعد كدا تاني
هنوضح اي حاجة مش واضحة
هنقسم الموضوع 
 
اولا: مدة القيد العائلي للكليات العسكرية والشرطة سنة من تاريخ اصداره كدا تمام ركز معايا سنه من تاريخ اصداره
 
ثانيا: ازاي اعمل قيد عائلي!!!
الموضوع سهل جدا المطلوب منك للتقديم 3 قيود
1- قيد الأب
2- قيد الجد للأم
3- قيد الجد للأب 
 
ايه الاوراق المطلوبة ؟؟؟!
انك تروح لجدك تجيب منه صورة البطاقة وصورة بطاقة جدتك وصور بطايق اعمامك وعماتك ملحوظة:(نفس الشئ يسري علي اخوالك وخالاتك انا اخدت الجد ابو الوالد كمثال)
نكمل هتجيب صور البطايق اللي متوفي منهم تجيب شهادة الوفاة بتاعته ومتنساش قسيمة جواز الجد والجدة علشان هتحتاجها معاك كدا تمام لحد الوقتي صور البطايق واللي متوفي شهادة وفاة واللي تحت السن شهادة ميلادة وبس كدا
هتعمل نفس الموضوع مع والدك صور بطايق اخواتك او شهادة ميلاد ليهم وقسيمة زواج بتاعت الوالد وصور بطايق الوالد والوالدة والمتوفي شهادة وفاة كدا خلصنا من الورق المطلوب  
نصيحة بقي الرسول (ص) بيقول استعينوا علي قضاء حوائجكم بالكتمان فإن كل ذي نعمة محسود
 
يعني ايه الكلام دا يعني محدش هيحب ليك الخير حتي لو اهلك تعمل ايه بقي علشان مترحش تقولهم عاوز صورة البطاقة وكدا وهيفضلوا يسألوك ليه وبتاع والعين بتفشخ الحجر يا صاحبي
انت هتعمل ايه معلش هتكلف نفسك شوية هتجيب ورقة وتروح تكتب فيها كل الاسماء اللي انت عاوز صورة البطاقة بتاعتهم ومين غير ماتروح ليهم خالص تطلع بنفسك علي السجل المدني التابع ليك وبدل ماتروح ودا يقولك بطاقتي ضايعة استني عليا يومين لا انت هتاخد الاسماء وتطلع ع السجل وتطلع ليهم كلهم شهادات ميلاد احسن ليك هوا ينفع !!! ايوة ينفع طبعا تطلع ليهم كلهم شهادات ميلاد وتقدمها ف الورق واللي ميت تطلعه شهادة وفاة كدا هتكون ف حالك ومحدش هيعرف عنك حاجة وهتكمل كل الورق الناقص وتروح السجل تقوله عاوز اعمل قيد عائلي لوالدي هياخد منك الورق ساعات بيطلب منك بيان زواج للوالد ب3ج بتعمله ف السجل وبتطلعه ليه علشان يتاكد ان والدك مش متجوز مثلا تاني وساعات مش بيطلبوا بس كدا هياخد الورق منك وعلي حسب المدة بقي اللي يقولك عليها وهتعمل نفس النظام للجد ابو الوالد وابو الوالدة
مش عاوزك تتوه مني لسه بدري
نصيحة من اخ انزل خلص القيود الوقتي
طب ليه انزل الوقتي ؟؟؟؟
اولا: مش هتاخد وقت يعني مثلا نزلت الاربعاء هيقولك تعالي السبت خده او تعالي بكرة عادي يعني لان مصلحة السجلات بتبقي فاضية اصلا لكن وقت التقديم مش هتعرف تقف ف سجل علي رجيلك هتلاقي كل سجلات مصر زحمة بطريقة فظيعة
ثانيا: ودي الاهم اكيد قيد الاب هيكون مفروغ فيه الكلام ومش هيبقي في غلط ان شاء الله
بدري تاني ليه بقي علشان ايام زمان المواليد ساعات كانت بتتسجل غلط يعني مثلا ممكن تلاقي اسم عمك ف البطاقة (احمدمحمدمحمدحامد) لكن هوا فالاصل وبطايق اخواته (سعيدمحمدحامد) كدا بقي جد عمك اسمه محمد مش حامد وبكدا مش هيظهر ف القيد العائلي وهيعملك مشكلة ف التقديم علشان كدا بتبدا انت تشوف الاسماء وتراجعها كويس ممكن يكون حد اسمه غلط ممكن يكون الغلط ف اسم الام ف الشهادة متركزش مع البطاقة وتنسي الشهادة علشان كدا بقولك طلع شهادة ميلاد احسن مكتوب فيها بيانات الام والاب ممكن تلاقي اسم الام مثلا ف الشهادة نجية لكن هوا ف الاصل تحية صدقوني حرف بيفرق ع الكمبيوتر كدا مش هيظهر ف قيد جدك لان امه اسمها نجية مش تحية فانت تجري علشان تعدل الاسم وتخليه الاسم الصحيح كل دي امثلة كتير فابدا من الوقتي وربنا معاك
زهقت انا عارف من كتر الكلام انا عارف بس الموضوع طويل وعاوز صبر شوية 
ندخل علي النقطة الاخيرة  
 
التعذر : ناس كتير بتقول مانا اعمل تعذر واريح دماغي ولا اعدل اسماء ولا اتعب نفسي تمام ركز معايا
التعذر مقبول ف الجدين بس لكن قيد الاب لازم يكون موجود بس برضوا الجدين لازم يكون فيه شروط للتعذر تعالوا معايا نراجع السنين اللي فاتت مع بعض  
 دفعة 112 حربية سنه 2015 كان لو عندك اسماء غلط كان ممكن تعمل تعذر عادي ومن اي مكان السجل التابع ليك وتقدمه مع الورق وكان ممكن تقدم قيد ورقي عادي للجدين فقط لكن الوالد كمبيوتر تمام كدا
دفعة 113 حربية سنه 2016
الوضع اتغير جدا جدا جدا لو عندك اسم غلط الظابط بيقولك تروح تصححه وتيجي التعذر مش بيتقبل للاسماء الغلط وكمان علشان تعمل تعذر كان فيه شروط كتير كدا ومكنش بالساهل يعني التعذر كان مسموح بس لو حد من اجدادك ملوش بيانات ع الكمبيوتر ازاي اولا التعذر كان اتوقف من المحافظات وعلشان تعمل تعذر لازم تروح مصحلة السجلات العامة في العباسية بعدين بتسحب استمارة تعذر كدا وتملي البيانات وتروح للظابط يقولك ايه المشكلة عامل التعذر ليه هتقوله مثلا عندي اسماء غلط هيقولك لا مفيش روح صحح الاسماء هتقوله مثلا جدي ملوش بيانات ع الكمبيوتر شهادة ميلاد مثلا مش لاقي هيقولك هتطلع ع دار المحفوظات وتشوف ليه شهادة ورقية من هناك طلعت مش هتعمل تعذر مطلعتش هتاخد كعب من دار المحفوظات ان البيانات مفقودة ف هتاخده وترجع العباسية للظابط يختملك التعذر بختم العباسية لازم ختم العباسية وهتحطه ف الملف وخلص الموضوع لو طلعله بقي شهادة ورقية دي لفة تانية هتروح تضيف ليه بيانات ع الحاسب ف العباسية علشان يطلعولك القيد بعدها دا كان بالنسبة للتعذر ف 2016 ومكنوش بيقبلوا قيد ورقي
فكل سنه بتختلف عن الثانية  
نصيحة بقي
بدل كل اللف دا قوم وامشي ف الورق الوقتي علشان متقعش ف كل الحوارات دي
واسأل مجرب وانا معاكوا ف الكومنت لاي استفسار
بالتوفيق .

30 تعليقات

  1. لوعندي مشكلة في الاسماء في قيود الجدين اصححها ازاي

    ردحذف
  2. انا خالتي مكتوبه غلط في البطاقه وشهاده ومش بتظهر في القيد وانا مش عوز احطها عشان ابنها كان محبوس عادي ولا في التقديم هيقولي الورق ناقص

    ردحذف
  3. هو معاد التقديم امته

    ردحذف
  4. طب لو الجد متزوج كذا زوجه لازم اجيب لكل زوجه قسيمة زواج

    ردحذف
  5. ينفع الاب هو اللي يعمل القيد
    و الجد عايش ينفع هو اللي يعنلة
    ولة لازم الطالب هو اللي يعمل القيد بنفسة
    وشكرا

    ردحذف
  6. أزال المؤلف هذا التعليق.

    ردحذف
  7. طب بعد اذنك بالنسبه لو جدي و جدتي متوفيين او اي حد من افراد الاسره متوفي لازم اطلعلهم شهادة ميلاد و شهادة وفاه ولا شهاادة وفااه بس
    وبالنسبه لقسايم الزواج بتوع اجدادي الاتنين مش موجوده خاالص...اعمل ايه

    ردحذف
  8. لو عملت تعذر للجد هياثر عليا ولا عادي

    ردحذف
  9. لو سمحت لو انا تم كتب كتابى قبل ذلك ولم يتم الزواج والبطاقه الشخصيه لم يتم تغيرها ومازالت الحاله الاجتماعيه بها عزباء هل ذلك يظهر فى القيد العائلى الذى يتم استخراجه ولو ظهر هل يؤثر على القبول ام لا

    ردحذف
  10. لو سمحت لو انا تم كتب كتابى منذ عام ولم يتم الزواج هل تظهر فى القيد العائلى ام لا مع العلم ان البطاقة الشخصيه لم يتم تغيرها للحاله الاجتماعيه وانها مازالت عزباء ومازالت سارية حتى الان ولمده عامين واذا ظهرت فى القيد العائلى هل تؤثر على القبول ام لا

    ردحذف
  11. عادى القيد الجد ورقى ولا لزم كمبيوتر

    ردحذف
  12. الصوره بتاع الاب والام لو الاب مسافر ايه المطلوب لو سمحت ؟؟

    ردحذف
  13. انا سحبت الملف يوم الخميس الي فات وميعاد التسليم مكتوب علي الملف يوم الاتنين الي بعد الي جي وانا الاوراق ممكن تاخرني اكتر من كد فاممكن اعرف انا ممكن اتاخر في تسليم الملف لو عادي مسموح بقد ايه ممكن حد يرد عله معلش ضروري

    ردحذف
  14. ابنى داخل دور تان ثانوى خايفه يفوت له وقت التقديم ولا هيلحق ارجو الرد ضرورى

    ردحذف
  15. طيب لو الجدين متوفيين اطلعلهم شهادات وفاه بس ولا وفاه وميلاد دي حاجه الحاجه التانيه ااحنا مش معانا قسايم زواج للاجداد ايه الحل

    ردحذف
  16. لو سمحت انا قدمت ورق القيد للوالد وهوا متوفى ..بس الموظفه مسالتنيش على شهاده الوفاه وخدت الورق عادى وانا مقدمتش شهاده الوفاه عشان مكنتش اعرف دلوقتى اعمل ايه بقا ؟؟
    اروح اقدم ورق جديد ولا ايه
    ____________________
    ثانيا :زى ما قلت ان والدى متوفى ..فى صفحه فى الملف مكتوب فيها بيان حاله وظيفه الوالد وخانه تحتيها مخصوصه للمتوفيين ..انا املاهم الاتنين ولا املى المتوفي بس ؟

    ردحذف
  17. عند تعذر استخراج القيد العائلى فى صفحة الاخوال و الخالات 27
    و توفى 4 منهم فما العمل هل تكتب بياناتهم ام لا

    ردحذف
  18. لو جدي والد أبويا مواليد قديمة وشهادة الوفاة والميلاد بدون رقم قومي أعمل

    ردحذف
  19. طب في ضهر القيد العائلي باسم الأب بيبقى في أقر أنا.... والمقر بما فيه... بكتب اسمي ولا اسم الوالد ؟

    ردحذف
  20. انا ف القيد بتاع جدي .. عماتي كل واحده فيهم مكتوب اسم الام غير التانية .. الحل ايه ضروري

    ردحذف
  21. والدي مسافر وانا مش معايا اي أوراق علشان أطلع القيد ومش فاكرة تاريخ الميلاد اي حد منهم طالعه ازاي

    ردحذف
  22. مش معايا عقد الزواج بتاع جدى وستى مع العلم هما متوفيان

    ردحذف
  23. الاوراق كلها صور ولا اصول

    ردحذف
  24. لو سمحت انا ولدتي كانت متزوجة ثلاث مرات وانا حاليا في في الجيش وانا العائل الوحيد لامي المطلقه ومطلوب مني تلات قيد عائلي ولم حولت اطلعهم لقيت في أخطأ لوعايز اعمل تعذر قيد عائلي اعمل ايه وايه الاواق المطلوبة مني

    ردحذف
  25. لو سمحت انا روحت للسجل المدني واعطوني انه تعذر استخراج القيد العائلي للجادين لعدم توافر بيانات على الحاسب الآلي. ايه الحل؟

    ردحذف
  26. لو سمحت بالنسبه للتعذر البيانات المطلوبه تاريخ الميلاد والرقم القوميالقومي وتاريخ الزواج املاها ازاى

    ردحذف
  27. انا طالب لسه لمه اتخرج اخد شهادة دبلوم صناعي تعليم مزدوج ينفع اقدم في كليه الشركه انا قسم كهرباء

    ردحذف
  28. اناا عندي اعمام ماتو وهما صغيرين وملهمش شهادات وفاة بس ليهم شهادات ميلاد ورحت السجل قالي لازم شهادات وفاة عشان يتم وقالولي روح دار المحفوظات روحت دار المحفوظات قالي ملهمش اي بيانات عندنا وادوني وصل من هناك اي العمل هنا بقاا؟؟

    ردحذف
  29. لو الجد من ناحيه الامه موجود في القيد بتاعه اسم مش مصري ايه حلها
    ارجو الرد

    ردحذف

إرسال تعليق