تفصيل الاختبارات للطب العسكري بنات 2018


صورة ذات صلة

الطب العسكري - الاوراق المطلوبة للبنات

  1.  كارت الطول والوزن (تم استلامه وقت سحب الملف)  
  2.  شهادة حسن سير وسلوك مرفقة بالملف يتم تحريرها بمعرفة الكلية المقيد بها الطالبه 
  3.  صورة وجه بطاقة الطالبه – صورة ظهر بطاقة الطالبه  
  4.  صورة معتمدة من شهادة المؤهل أو بيان الدرجات  
  5.  أصل شهادة ميلاد الطالبه المميكنة  
  6.  صور من شهادات التفوق الرياضي معتمدة من الاتحاد الرسمي للعبة إن وجد  
  7.  قيد عائلي للوالد  
  8.  قيد عائلي للجدين  
  9.  في حالة عمل والد أو والدة الطالب بالأعمال الحرة يتم إرفاق المستندات التي تثبت ذلك من خلال البطاقة الضريبية والسجل التجاري أو حيازة الاراضى الزراعية أو خلافه
  10. في حالة سفر الوالد أو الوالدة للخارج يتم عمل توكيل لأحد الأقارب للتوقيع على الملف مع إرفاق صورة التوكيل المعتمد من جهة إصداره وصورة بطاقة الوكيل وصورة جواز السفر وصورة عقد العمل موثق من الخارجية وشهادة تحركات من مصلحة الجوازات والهجرة من مجمع التحرير
  11.  في حالة وفاة الوالد ترفق شهادة الوفاة أما إذا كان أحدهما أو كلاهما بالمعاش يرفق بيانات المعاش معتمدة من المعاشات أو جهة العمل قبل الخروج على المعاش
  12.  صورة وجهة بطاقة الوالد – صورة ظهر بطاقة الوالد   صورة معتمدة من مؤهل الوالد إن وجد
  13.  صورة وجه بطاقة الوالد صورة ظهر بطاقة الوالدة
  14.  كارت طولي للوالدين معا وفى حالة الطلاق أو الانفصال أو السفر لأحد الوالدين يتم تثبيت صورة منفردة مع كتابة السبب خلف الصورة وفى حالة وفاة أحدهما يتم تثبيت صورة للذي هو على قيد الحياة
  15.  صورة معتمدة من مؤهل الوالدة ان وجد
  16.  صورة من مستندات الأملاك والمدخرات للوالد والوالده

----------------------------------------------------------------------------------

الاختبار الرياضي طب عسكري بنات

الاختبار الرياضي عباره عن 7 حجات :
---------------------------------


Ø ضغط عليه 40 درجه


Ø بطن 40 درجه


Ø جري 100 متر 10 درجات


Ø جري 400 متر 40 درجة


Ø وثب من ثبات 20 درجة


Ø اتزان ع عارضه التوازن 10 درجات


Ø المرونه أو الزجزاج Z عليه 40 درجة

كدا المجموع الكلي 200 درجه ودرجة النجاح بتبقى من 100 درجه

-----------------------------------------------------------------------------

كشف الطبي للطب العسكري بنات

اولا : الدخول بيكون الساعة 6 صباحا

ثانيا : يفضل انكوا تسيبوا الموبايلات مع الاهل برا عشان مفيش حد موبايله يضيع او يتأخر وهو بيسلمه وعشان هما جوا بيتنرفزوا عشان الموبايلات

ثالثا : محدش يتكلم كتير وتنفذوا الاوامر من اول مرة يقولوا فيها الامر

تفاصيل الكشف

-----------------------------

اول لما ندخل ونقعد في الاماكن المخصصة هندخل غرفة الحاسب الالي عشان نعمل البصمة وتسجيل دخول اختبارات الكلية

بعد البصمة ببنزل غرفة خلع الملابس ونقلع الهدوم كلها ما عدا الاندر وهنلبس الجاون ( روب العمليات ) واوفر شوز ( اكياس بلاستيك يعني ) وبتلبسوا كذا واحد عشان السقعة وعشان لو اتقطع يكون معاكوا بديل

ممكن يسمحوا بلبس الجاكيت وممكن لا بس ممنوع الحجاب في الكشف الطبي

الكشف بالترتيب
---------------------------

أشعة :
وطبعا لو في اي معدن معاكي بتخلعيه وانتي كدا كدا مش لابسة البرا خالص لانك قلعتيها في غرفة خلع الملابس
طبعا لو في دبلة بتخلعيها ولو في سلسلة بتخلعيها ولو في حلق بردو بتخلعيه ويفضل انك تيجي من غيرهم

بعد كدا كشف قوام :
اللي هو طول ووزن

بعد كدا رمد :
بتشوفي العلامات مفتوحة فين
بعده نفسية ودي بقى ممكن يقولك 66 44 وممكن يسألك اي سؤال عادي

بعده اسنان :
مبتكلمش على التسوس خالص بس بيتكلم عن شكل الاسنان الخارجي ولازم تكون نضيفة ومفيهاش جير
بعده انف واذن ولازاااااااااااااااااااااااااااام تغسلي ودانك من الشمع

بعده جلدية وجراحة :
بيكونوا في اوضة واحدة والكلام اللي الدكتور يقوله لازم يتنفذ وممنوع اعتراض ولو مش عاجبك الكلام اعتذري عن الكشف واتفضلي روحي البيت وممنوع الضحك نهائي مع اي دكتور ( دي كانت تعليمات القائد ) ولو الدكتور هزر معاكي اكتفي بابتسامة خفيف

بعد كدا باطنة :
ودي هتكشفي بالسماعة عادي على بطنك

بعد كدا عظام :
هيطلب حركات خفيفة جدا زي اتربعي و اركعي وافردي ايدك وافردي رجلك ع الارض وقرفصي

بعد كدا موجات صوتية :
ودا سونار

بعد كدا قاع عين :
بيشوف نسبة الضعف على جهاز وبيحط قطرة بتوسع البؤبؤ

بعد كدا رسم قلب :
وهدي نفسك خالص عشان يطلع سليم

بعد كدا قلب :
واهدي خالص عشان ضربات القلب متكونش سريعة ويطلعك

بعد كدا المعمل :
بيسحب منك عينة دم وبول

كدا الكشف الطبي خلص
 
بترجعو الاستراحة تاني وينادوا على اسماء البنات اللي عندها استشارة ويخلصوا الاستشارة وترجعوا تاني اماكنكم وينادوا على الناس اللي مش هيكملوا عشان يروحوا

البنات اللي مسمعوش اسماءهم هيدخلوا رياضي ان شاء الله

لازم لازم لازم تكوني صايمة ع الاقل 6 ساعات
صيام عن الاكل والعصير
مسموح بشرب الماء بس


ملحوظة:
اي توضيح غير مسموح بيه ( معلومة من ظابط هناك وكان التحذير شديد)

12 تعليقات

  1. واختبارات بالنيبة للولاد والنظر ضروري يعني لو حد لابس نظارة يطلعوه ولو عملت عملية ليزر (تصحيح نظر)

    ردحذف
  2. طب هيا التقديما خلصت ولا لسا شغالة ولحد امتى هتفضل مستمرة ممكن الرد ضرورى

    ردحذف
  3. لسه هتفتح يوم 25 تاني للبنات
    والنضاره مسموح بيها عادي

    ردحذف
  4. معاد سحب الملف امتى

    ردحذف
  5. هى مقرها فين لو سمحت ؟ والطول المطلوب كام القصيرين مينفعش يقدموا

    ردحذف
  6. حد يجاوب ونبى لو عندى بهاق ينفع اقدم

    ردحذف
  7. طب الدكاترة بتوع الكشف الطبي بيبقوا ستات صح ولا ايه

    ردحذف
  8. الدكاترة في الكشف الطبي بيكونوا ستات و لا رجاله؟

    ردحذف
  9. دكاترة الكشف رجالة ولا ستات

    ردحذف
  10. هو لو في الفرق بين السنان عادي ولا لازم اركب تقويم

    ردحذف
  11. والطول المطلوب كام للبنات

    ردحذف

إرسال تعليق